YouTube ເວີຊັ່ນໃຫມ່ສຳລັບ iOS ແລະ Android
ຫຼ້າສຸດທາງ YouTube ໄດ້ອອກແອັບຯສຳລັບອຸປະກອນພົກພາເວີຊັ່ນໃຫມ່ ເຊິ່ງມີຄວາມສາມາດທີ່ໜ້າສົນໃຈ ແລະອາດຈະເປັນທີ່ຮຽກຮ້ອງຂອງຜູ້ທີ່ໃຊ້ແອັບຯ YouTube ເປັນປະຈຳເລີຍກໍ່ວ່າໄດ້.
YouTube ເວີຊັ່ນໃຫມ່ນີ້ເປັນເວີຊັ່ນທີ 2 ສຳລັບ iOS ແລະເວີຊັ່ນທີ 5 ສຳລັບແອນດຼອຍ. ຄວາມສາມາດຫຼັກໆທີ່ໜ້າສົນໃຈທີ່ສຸດໃນ YouTube ເວີຊັ່ນໃຫມ່ນີ້ກໍ່ຄື
– ໃນເວລາທີ່ທ່ານຄົ້ນຫາວິດີໂອ ທ່ານຈະຍັງສາມາດເບິ່ງວິດີໂອຕໍ່ໄປໄດ້.
– ທ່ານສາມາດຄົ້ນຫາ Playlist ແລະ ໃຊ້ປຸ່ມ Play all ເພື່ອໃຫ້ແອັບຯ YouTube ເປີດວິດີໂອໃນ Playlist ນັ້ນໄປເລື້ອຍໆ (ຄວາມສາມາດນີ້ເໝາະສົມກັບຄົນທີ່ມັກຟັງເພງໃນ Youtube)
ນອກນັ້ນແລ້ວແອັບຯ YouTube ຍັງໄດ້ມີການປັບປຸງໜ້າຕາ ແລະປະສິດທິພາບໃນສ່ວນຕ່າງໆໃຫ້ດີຂຶ້ນ-ລວມທັງໄດ້ປ່ຽນຮູບໄອຄອນອີກດ້ວຍ. ສຳລັບທ່ານໃດທີ່ມັກໃຊ້ແອັບຯ YouTube ໃນໂທລະສັບ ຫຼືແທັບເລັດກໍ່ສາມາດເຂົ້າໄປອັບເດດ ຫຼື ດາວໂຫລດໄດ້ແລ້ວທີ່ AppStore ຫຼື Google Play.