iPhone 4 ໄຮໂຊ ລຸ້ນ”ຂອບທອງ-ຝັງເພັດ”

01/07/2010 Gadget, ໂທລະສັບ

ເບິ່ງຄືຈະເປັນທຳນຽມປະຕິບັດໄປແລ້ວ ທຸກເທື່ອທີ່ຜະລິດຕະພັນແອບເປີ້ນ (Apple) ອອກມາ ບໍລິສັດທີ່ເຮັດທາງດ້ານອັນມະນີແກ້ວແຫວນເງີນທອງຕ່າງໆ ຈະຕ້ອງນຳແກັດເຈັດ (Gadget) ພວກນີ້ມາຕິດທອງລ້ອມເພັດກັນໃຫ້ໄຮໂຊອູ້ຟູ່ທຸກເທື່ອໄປ ລ່າສຸດເຖິງຄາວຂອງ iPhone 4 ໄອໂຟນລຸ້ນທີ່ເຮັດສະຖິຕິຍອດຂາຍໄວທີ່ສຸດໃນປະຫວັດສາດ ແຖມຍັງຕົກເປັນຂ່າວຫລາຍທີ່ສຸດອີກດ້ວຍ

ຂ່າວນີ້ຈະເຮັດໃຫ້ທ່ານຜູ້ອ່ານຮູ້ວ່າ iPhone 4 ລຸ້ນທີ່ແພງທີ່ສຸດບໍ່ແມ່ນລຸ້ນທີ່ມີຄວາມຈຸ 32GB ແຕ່ຈະເປັນລຸ້ນທີ່ໄດ້ຮັບການດີໄຊນ໌ຕົກແຕ່ງເພິ່ມເຕິມໂດຍ Stuart Hughes ເພາະມັນມາພ້ອມກັບຄວາມໄຮໂຊສຸດໆ ໂດຍຕົວທຳອິດທີ່ເຫັນຂ້າງລຸມນີ້ຈະເປັນລຸ້ນເພັດລ້ອມ (ຂະໜາດ 6.5 ກະລັດ) ບໍລິເວນຂອບຂອງຕົວເຄື່ອງ ຊຶ່ງເປັນສ່ວນທີ່ເຊື່ອມຕໍ່ກັບເສົາອາກາດທີ່ເປັນເສັ້ນສີດຳນ້ອຍໆ ເທິງແຖບໂລຫະ ການລ້ອມເພັດທີ່ມີຄຸນສົມບັດບໍ່ນຳໄຟຟ້ານອກຈາກຈະເຮັດໃຫ້ເບິ່ງຫລູຫລາແລ້ວ ມັນຍັງອາດຈະຊ່ວຍໃຫ້ຜູ້ໃຊ້ບໍ່ໄປສຳຜັດກັບເສົາອາກາດໂດຍກົງອີກດ້ວຍ ແຕ່ທີ່ ແອບເປີ້ນບອກມາກໍຄື ຊອງທີ່ເໝາະກັບ iPhone 4 ຄວນເຮັດຈາກພາສະຕິກ ຫລືຢາງ ເພັດລ້ອມຈະຊ່ວຍໃຫ້ສັນຍານດີຂຶ້ນບໍນໍ່ ແຕ່ລາຄາແພງຂຶ້ນແທ້ໆ ເພາະທີ່ເຫັນໃນຮູບນີ້ມັນມີລາຄາຢູ່ທີ່ 19,514 ຫລຽນຯ

ສ່ວນ iPhone 4 ອີກລຸ້ນໜຶ່ງເປັນຜົນງານການຕົກແຕ່ງຂອງ GoldStriker ທີ່ ແມ່ນຈະມີດີໄຊນ໌ທີ່ລຽບ ແຕ່ມັນກໍເບິ່ງລ້ຳຄ່າດ້ວຍການໃຊ້ທອງຄຳ 24ct ເຮັດເປັນຂອບແທນທີ່ແຕ່ເດີມໃຊ້ໂລຫະ ຊຶ່ງການໃຊ້ທອງໜ້າຈະເຮັດໃຫ້ມັນນຳໄຟຟ້າໄດ້ດີກວ່າ ແຕ່ຈະຊ່ວຍໃຫ້ຮັບສັນຍານະໄດ້ດີຂຶ້ນ ຫລືບໍ່? ຕ້ອງພິສູດ ລົງທຸນພຽງແຕ່ 2,395 ຫລຽນຯ ເທົ່ານັ້ນ. ບໍ່ວ່າມັນຈະສົ່ງຜົນກະທົບກັບບັນຫາທີ່ເກິດຂື້ນຫລືບໍ່ກໍຕາມ ແຕ່ທີ່ແນ່ໆ ໃຜໃຊ້ iPhone 4G ສອງລຸ້ນນີ້ຄົງຕ້ອງລະວັງຕົວກັນຫນ້ອຍຫນື່ງ ຮັບຮອງວ່າ ເຜີວາງຖິ້ມໄວ້ບ່ອນໃດ? ຮັບຮອງເສຍພັນເປີເຊັນ!!!