ພະນັກງານກູເກີ້ນຖືກສັ່ງໃຫ້ເຊົາໃຊ້ວິນໂດວສ໌
ລາຍງານຂ່າວລ່າສຸດ ກູເກີ້ນ (Google) ໄດ້ຕັດສິນໃຈແລ້ວວ່າ ທາງບໍລິສັດບໍ່ສາມາດອົດທົນຕໍ່ບັນຫາຂອງລະບົບຮັກສາຄວາມປອດໄພເທິງຄອມພິວເຕີທີ່ເຮັດວຽກດ້ວຍວິນໂດວສ໌(Windows) ຂອງໄມໂຄຊອຟົທ໌ (Microsoft) ໂດຍຂໍ້ມູນຈາກ Financial Times ເປີດເຜີຍວ່າ ທາງກູເກີ້ນໄດ້ສັ່ງໃຫ້ພະນັກງານເລືອກວ່າຈະປ່ຽນຈາກວິນໂດວສ໌ໄປໃຊ້ Apple Mac OS X ຫລື Linux ແທນ
ປະຈຸບັນກູເກີ້ນມີພະນັກງານທົ່ວໂລກຫລາຍກວ່າ 20,000 ຄົນ ໂດຍທຸກຄົນຈະຕ້ອງປຽນໂອເອດຈາກ Microsoft Windows ໄປເປັນ Mac OS X ຫລື Linux ທັງນີ້ທາງບໍລິສັດໄດ້ກ່າວຕຳຫນິMicrosoft Windows ວ່າເປັນຕົວການສຳຄັນທີ່ເຮັດໃຫ້ແຮກເກີລ໌ໃນຈີນສາມາດເຈາະລະບົບ ເມື່ອຊ່ວງຕົ້ນປີທີ່ຜ່ານມາໄດ້ “ພະນັກງານສ່ວນໃຫຍ່ໄດ້ຍ້າຍຈາກພີຊີທີ່ໃຊ້ວິນໂດວສ໌ໄປເປັນ Mac OS X ຫລັງຈາກທີ່ຖືກໂຈມຕີຈາກຈີນ” ພະນັກງານກູເກີ້ນໃຫ້ສຳພາດກັບ Financial Times
ສຳລັບພະນັກງານໃໝ່ກໍ ຈະຖືກຕັ້ງຄຳຖາມໃຫ້ເລືອກໃຊ້ຄອມພິວເຕີລະຫວ່າງ Apple Mac ຫລືພີຊີທີ່ໃຊ້ລະບົບປະຕິບັດການ Linux ຊຶ່ງລະບົບປະຕິບັດການ Linux ເປັນໂອເພ່ນຊອລ໌ສທີພະນັກງານກູເກີ້ນຫລາຍລາຍຄຸ້ນເຄີຍກັນດີຢູ່ແລ້ວ ໂດຍພະນັກງານລາຍໜຶ່ງໄດ້ໃຫ້ຄວາມເຫັນວ່າ ພວກເຂົາບໍ່ຮູ້ສຶກດີກັບໂອເອດຂອງໄມໂຄຊອຟົທ໌ພຽງເທົ່າໃດ ພະນັກງານຂອງກູເກີ້ນກ່າວ ນອກຈາກນີ້ ພະນັກງານຫລາຍລາຍຂອງກູເກີ້ນຍັງໄດ້ຮັບການສະໜັບສະໜູນໃຫ້ລອງໃຊ້ Chrome OS ຂອງທາງບໍລິສັດເອງຫາກເປັນໄປໄດ້
ຂໍ້ມູນຈາກ: cnet, Arip.co.th