ລ່າສຸດ MacBook ກໍ່ເກີດປັນຫາກັບເຄດທາງດ້ານລຸ່ມຂອງໂຕເຄື່ອງ ໂດຍ Apple ບອກວ່າອາດຈະມາຈາກປັນຫາຂອງກາວທີ່ຕິດ ເຮັດໃຫ້ມັນມີການແຍກອອກມາຈາກໂຕເຄື່ອງ. MacBook ທີ່ເຈີປັນຫານີ້ຈະເປັນ MacBook ລັອດທີ່ວາງຂາຍ ແລະ ຖືກຊື້ໃນຊ່ວງເດືອນ ຕຸລາ 2009 ເຖິງ ເມສາ 2011.

ໃນປັນຫານີ້ ທາງ Apple ກໍ່ແກ້ໄຂດ້ວຍການປ່ຽນເຄດທາງດ້ານລຸ່ມຂອງໂຕເຄື່ອງໃຫ້ຟຼີ ເຖິງວ່າປະກັນຈະຫມົດແລ້ວກໍ່ຕາມ ຂໍພຽງເປັນເຄື່ອງທີ່ຢູ່ໃນລະຫວ່າງເວລາທີ່ກຳນົດອອກມາ ກໍ່ສາມາດຂໍປ່ຽນໄດ້ຟຼີ ໂດຍມີສາມຕົວເລືອກໃນການຂໍປ່ຽນຄື: ນຳ MacBook ຂອງທ່ານໄປທີ່ຮ້ານຄ້າ Apple, ນຳ Macbook ຂອງທ່ານໄປຮ້ານຄ້າຕົວແທນຈຳຫນ່າຍ, ແລະການສັ່ງເອົາອຸປະກອນຕ່າງໆມາເຮັດເອງ. ສຳລັບລາຍລະອຽດແມ່ນ ເຂົ້າໄປເບິ່ງໄດ້ທີ່ http://www.apple.com/support/macbook-bottomcase

ຢ່າງໃດກໍ່ຕາມ ສຳລັບອ້າຍນ້ອງທີ່ໃຊ້ MacBook ໃນປະເທດລາວ ກໍ່ອາດຈະສາມາດຕິດຕໍ່ໄປຍັງຮ້ານຄ້າທີ່ທ່ານຊື້ມາ ຫລື ບໍ່ກໍ່ເຂົ້າໄປສັ່ງສິ້ນສ່ວນ ແລະ ອຸປະກອນຈາກເວັບໄຊຕ໌ຂອງ Apple ໄດ້ຟຼີ ແຕ່ກໍ່ຕ້ອງມີການໃສ່ຂໍ້ມູນຂອງ MacBook ຂອງທ່ານເພຶ່ອຍືນຍັນວ່າເປັນເຄື່ອງທີ່ມີປັນຫາແທ້ບໍ່.

ທີ່ມາ – Apple