ຂ່າວໄອທີ

Micro SIM ຍັງນ້ອຍບໍ່ພໍ Apple ສະເຫນີ ຊິມມາດຕະຖານໃຫມ່ ທີ່ນ້ອຍກວ່າ

ຮູ້ສຶກວ່າ Micro SIM ທີ່ໃຊ້ iPhone 4 ແລະ iPad ນັ້ນຍັງນ້ອຍບໍ່ພໍ, ເພາະປະຈຸບັນມີຂ່າວອອກມາ Apple ໄດ້ສະເຫນີຈະອອກມາດຕະຖານຊິມໂທລະສັບໃຫມ່ ແລະ ມີຂະຫນາດທີ່ນ້ອຍກວ່າ Micro SIM ທີ່ເຫັນກັນໃນປະຈຸບັນ, ເຊິ່ງຕາມລາຍງານແມ່ນ Apple ໄດ້ສະເຫນີໄປຍັງ ETSI (European Telecommunication Standards Institute ) ໂດຍມີການສະຫນັບສະຫນຸນໂດຍ ບໍລິສັດ Orange. ເຊິ່ງໃນການທີ່ຈະອອກມາດຕະຖານຊິມກາດແບບໃຫມ່ທີ່ນ້ອຍກວ່າ Micro SIM ນັ້ນ ຈະເຮັດໃຫ້ຜູ້ຜະລິດສາມາດອອກແບບອຸປະກອນຕ່າງໆໃນອານາຄົດ ໃຫ້ສາມາດຜະລິດອອກມາໄດ້ບາງກວ່າເກົ່າ ແລະ ຄາດວ່າຜູ້ໃຊ້ອາດຈະເຫັນ ຊິມກາດແບບໃຫມ່ນີ້ ພ້ອມກັບອຸປະກອນຕ່າງໆທີ່ຮອງຮັບ ໃນປີຫນ້ານີ້.

ຕາມຄວາມຄິດຂອງຜູ້ຂຽນເອງ ຫາກຂ່າວນີ້ເປັນເລື່ອງຈິງ ເຮົາກໍ່ອາດຈະໄດ້ເຫັນ iPhone ແລະ iPad ທີບາງກວ່າເກົ່າ ທີ່ເຫັນໃນປະຈຸບັນ, ແຕ່ເທົ່າທີ່ສັງເກດແລ້ວ ຊິມກາດມັນກໍ່ບໍ່ຫນ້າຈະມີຜົນກະທົບຫລາຍປານໃດ ກັບຄວາມບາງຂອງອຸປະກອນຕ່າງໆ ເພາະສິ່ງທີ່ເປັນຜົນກະທົບຂອງຄວາມບາງໃນອຸປະກອນຕ່າງໆໃນປະຈຸບັນຄື ແບັດເຕີລີ່ ຕາງຫາກ.

ທີ່ມາ – Mac Rumors

About the author

Souliyo

Webmaster, Web Designer, Blogger. CEO and Founder Of 856GROUP

ສະແດງຄວາມຄິດເຫັນ

20 + 13 =

*