PlayBook BlackBerry Tablet ເປີດໂຕພ້ອມເປັນຄູ່ແຂ່ງຂອງ iPad
ໃນທີ່ສຸດ RIM ບໍລິສັດຜູ້ຜະລິດສະມາດໂຟນ BlackBerry ກໍໄດ້ປະກາດເປີດຕົວແທັບເລັດຂອງທາງບໍລິສັດ ແລະມີຊື່ວ່າ “PlayBook”. ໂດຍ “PlayBook” ຈະເປັນແທັບເລັດໜ້າຈໍຂະໜາດ 7 ນິ້ວ ເຮັດວຽກດ້ວຍລະບົບສຳຜັນແບບມັນຕິທັດ ໂດຍເປົ້າໝາຍຄືການຊ່ວງຊິງສ່ວນແບ່ງຕະຫລາດຈາກ iPad ຂອງ Apple
PlayBook ເປັນແທັບເລັດທີ່ເນັ້ນລູກຄ້າໃນກຸ່ມທຸລະກິດ ໂດຍຈະເຮັດວຽກດ້ວຍລະບົບປະຕິບັດການ BlackBerry Tablet OS (QNX ທີ່ທາງບໍລິສັດຫາກໍ່ຊື້ໄປໃນເດືອນເມສາທີ່ຜ່ານມາ) ສຳລັບໜ້າຈໍຂະໜາດ 7 ນິ້ວຈະສະແດງຜົນທີ່ຄວາມລະອຽດ 1024 x 600 pixel ພາຍໃນໃຊ້ໂພເຊດເຊີລ໌ Dual-Core Cortex A9 1GHz ຫນ່ວຍຄວາມຈຳ 1GB ກ້ອງສອງຕົວ ໂດຍດ້ານໜ້າ 3M ແລະດ້ານຫລັງ 5M ແລະສະໜັບສະໜູນຟອລ໌ແມດມາດຕະຖານການພັດທະນາເວັບດ້ວຍ HTML5 ແຖມຍັງມາພ້ອມກັບ Adobe Flash Player 10.1 ອີກດ້ວຍ
ແນວໃດກໍ່ຕາມ PlayBook ຈະບໍ່ມີການເຊື່ອມຕໍ່ຂໍ້ມູນດ້ວຍ 3G ຫລື 4G ໂດຍ RIM ໃຫ້ເຫດຜົນວ່າ ທາງບໍລິສັດມີແຜນທີ່ຈະເພີ່ມຄຸນສົມບັດດັ່ງກ່າວໃນອະນາຄົດ ສຳລັບ PlayBook ເວີລ໌ຊັນທຳອິດ ຜູ້ໃຊ້ຈະສາມາດເຂົ້າເຖິງອິນເທີລ໌ເນັດໄດ້ຜ່ານ Wi-Fi 802.11 b/g/n ຫລືແຊລ໌ເນັດ (3G) ຈາກສະມາດໂຟນ BlackBerry ແລະຮອງຮັບການເຊື່ອມຕໍ່ແບບໄຮ້ສາຍກັບອຸປະກອນ Bluetooth 2.1 “RIM ຕ້ອງການພັດທະນາໃຫ້ແທັບເລັດຂອງບໍລິສັດເຮັດວຽກໄດ້ໃນລະດັບສຸດຍອດ ໂດຍອອກແບບໃຫ້ຮາລ໌ດແວລ໌ມີຄຸນສົມບັດການເຮັດວຽກຫລາກຫລາຍ ແລະ ລະບົບປະຕິບັດການທີ່ມີຄວາມຍືດຫຍຸ່ນ ແລະ ແຂງແຮງທີ່ສຸດ.
BlackBerry PlayBook ຈະພົກພາຄ່ອນຂ້າງສະດວກ ໂດຍມີຄວາມໜາ 9.7mm. ແລະໜັກພຽງແຕ່ 408 ກຣາມ ເທົ່ານັ້ນ ມາພ້ອມກັບພອລ໌ຕ HDMI ແລະ USB ສາມາດຫລິ້ນວິດີໂອຟູນໄຮເດຟຯ 1080p ໄດ້ ໂດຍ RIM ຍັງກ່າວເຖິງແຜນການທີ່ຈະວາງຕະຫລາດ BlackBerry PlayBook ໃນຮ້ານຄ້າຕ່າງໆ ທົ່ວສະຫລັດຯ ພາຍໃນຕົ້ນປີ 2011 ສ່ວນປະເທດອື່ນໆ ຈະເປັນໄຕມາດທີ່ສອງຂອງປີໜ້າ ສ່ວນລາຄາຍັງບໍ່ມີການເປີດເຜີຍແຕ່ຢ່າງໃດ.