ຊອງແກ້ສັນຍານຫາຍ-ສາຍຫລຸດ ຂອງ iPhone 4
ຫລັງຈາກທີ່ມີການນຳສະເໜີແນວປະຊົດປະຊັນສຳລັບວິທີຖື iPhone 4 ບໍ່ໃຫ້ສັນຍານະຫົດຫາຍ ຫລືສາຍລຸດກັນໄປພໍສົມຄວນແລ້ວ ມື້ນີ້ຂໍສະເໜີຄຳຕອບ ແຕ່ມັນຄົງບໍ່ແມ່ນຄຳຕອບທີ່ໄດ້ມາຟຼີໆ (ເພາະຂອງຟຼີບໍ່ມີໃນໂລກ) ເວັ້ນແຕ່ຈະຖ້າໃຫ້ແອບເປີ້ນ (Apple) ຕັດສິນໃຈແຈກຊອງຟຼີ ຊຶ່ງກໍບໍ່ຮູ້ເມື່ອໃດ ແລະເບິ່ງທ່າທີ່ອາດຈະບໍ່ມີມື້ນັ້ນອີກດ້ວຍ
ivyskin ນະວັດຕະກຳຊອງໃສ່ iPhone 4 ທີ່ທາງບໍລິສັດຜູ້ຜະລິດອ້າງວ່າ ມັນສາມາດຊ່ວຍປ້ອງກັນສາຍລຸດ ແລະບັນຫາສັນຍານຫົດຫາຍເນື່ອງຈາກການຖື iPhone 4 ດ້ວຍມືຊ້າຍໄດ້ IvySkin ຈະເຮັດຈາກໂພລີ່ຄາລ໌ບໍເນດ (Polycarbonate) ທີ່ບາງທີ່ສຸດໃນໂລກ ໂດຍມີຄວາມໜາພຽງ 0.8 ມມ. ແລະໃສຈົນເກືອບຈະສັງເກດບໍ່ເຫັນ ຫລືແມ່ນແຕ່ສຳຜັດກໍ່ເກືອບຈະບໍ່ຮູ້ສຶກ ຕົວຊອງຈະຜະໜຶກຕິດໄປກັບຕົວເຄື່ອງທັງດ້ານໜ້າ ແລະດ້ານຫລັງ (ສອງດ້ານນີ້ຈະໜາພຽງເເຕ່ 0.6 ມມ.) ຕະຫລອດຈົນດ້ານຂ້າງໂດຍຮອບ
ivyskin ອ້າງວ່າ ຊອງປ້ອງກັນຮອຍຂູດຂີດຂອງທາງບໍລິສັດຈະຊ່ວຍໃຫ້ອຸປະກອນສາມາດຮັບສັນຍານໄດ້ດີ (ສ່ວນຫນຶ່ງມາຈາກການທີ່ເສົາອາກາດໃນແຖບດ້ານຂ້າງບໍ່ຖືກສຳຜັດກັບມືຜູ້ໃຊ້ໂດຍ ກົງ) ອີກທັງຍັງຊ່ວຍໃຫ້ດາວນໂຫລດໄວຂຶ້ນ ສາຍລຸດຫນ້ອຍລົງ ແລະຄອບຄຸມພື້ນທີ່ໃນການຮັບສັນຍານໄດ້ກວ້າງກວ່າ ທາງບໍລິສັດມີແຜນຈະເປີດຕົວຊອງ SmartCase ສຳລັບ iPhone 3G/3GS ໃນອີກບໍ່ຫລາຍອາທິດຂ້າງໜ້າດ້ວຍ ສ່ວນລາຄາຂອງມັນຈະຖືກກວ່າ Bumper ຂອງ iPhone ເຄິງໜຶ່ງຄືຢູ່ທີ່ 14.99 ຫລຽນຯ ທ່ານຜູ້ອ່ານຄົນໃດທີ່ເປັນເຈົ້າຂອງ iPhone 4 ສາມາດເຂົ້າໄປສັ່ງຊື້ໄດ້ທີ່ເວັບໄຊຕ໌ ivyskin