ຂ່າວຮົ່ວ Apple ຈະບໍ່ຮຽກຄືນ iPhone 4 ໃນງານຖະແຫລງຂ່າວ

16/07/2010 ຂ່າວໄອທີ, ໂທລະສັບ

Wall Street Journal ລາຍງານໂດຍການອ້າງແຫລ່ງຂ່າວວ່າ ໃນງານຖະເເຫລງຂ່າວຂອງແອບເປີ້ນນັ້ນຈະບໍ່ມີການປະກາດຮຽກຄືນ iPhone 4 ແຕ່ຢ່າງໃດ ແຕ່ພວກເຂົາກໍບໍ່ໄດ້ລະບຸວ່າແອບເປີນຈະແຖມເຄດໃຫ້ຟຼີຫລືອອກ iPhone 4 ລຸ້ນປັບປຸງຫລືບໍ່

ແຫລ່ງຂ່າວຍັງລະບຸດ້ວຍວ່າ ແອບເປີ້ນຮູ້ບັນຫານີ້ມາກ່ອນແລ້ວ ແລະຍັງກ່າວວ່າບັນຫານັ້ນເກີດຂຶ້ນຈາກກະບວນການທົດສອບທີ່ບົກຜ່ອງ ແຕ່ຝ່າຍບໍລິຫານທີ່ນຳທີມໂດຍ ປ໋າ ສະຕີຟ ຈັອບສ໌ ນັ້ນຍັງຄົງເລືອກໃຊ້ດີໄຊນ໌ນີ້ເພາະເຮັດໃຫ້ຕົວເຄື່ອງມີຄວາມບາງແລະເບົາກວ່າ ນອກຈາກນັ້ນການທີ່ບໍ່ສາມາດກວດພົບບັນຫາໄດ້ນັ້ນເກີດຂຶ້ນຈາກວັດທະນະທຳການຮັກສາຄວາມລັບຢ່າງຮຸນແຮງຂອງບໍລິສັດແອບເປີນເອງ (ຕົ້ນສະບັບໃຊ້ Apple’s extremely secretive nature)

ຕົວຢ່າງເຊັ່ນ ຈາກຕົ້ນແບບ iPhone 4 ທີ່ເປັນເລື່ອງເປັນລາວໄປກ່ອນໜ້ານີ້ ແອບເປີ້ນຕັ້ງໃຈທີ່ຈະໃຊ້ບໍດີ້ປອມແລະເທກນິກອື່ນໆ ເພື່ອເຊືອນດີໄຊນ໌ຕົວຈິງເອົາໄວ້ ເຮັດໃຫ້ວິສະວະກອນແລະຄົນອື່ນໆ ບໍ່ພົບອາການລົບກວນສັນຍານແຕ່ຢ່າງໃດ ນອກຈາກນັ້ນ ແອບເປີ້ນຍັງໃຫ້ເຄື່ອງແກ່ຜູ້ໃຫ້ບໍລິການເຄືອຂ່າຍເພື່ອທົດສອບຫນ້ອຍເຄື່ອງກວ່າ ເກົ່າແລະຍັງລຸດເວລາໃນການທົດສອບລົງ ເພື່ອໃຫ້ສາມາດວາງຂາຍໃນວັນທີ່ 24 ມິຖຸນາ ໄດ້ອີກດ້ວຍ