SOULIYO.COM

Apple ຈະປະກາດຈັດງານ WWDC 2012 ຢ່າງເປັນທາງການແລ້ວ

Souliyo — Thu, 26 Apr 2012 21:55:32 +0000

ຫລ້າສຸດ Apple ໄດ້ປະກາດຈັດງານ WWDC (Worldwide Developers Conference) ປະຈຳປີ 2012 ຂຶ້ນແລ້ວ, ໂດຍງານດັ່ງກ່າວຈະຖືກຈັດຂຶ້ນໃນວັນທີ 11-15 ມິຖຸນາ 2012 ນີ້, ທີ່ເມືອງ San Francisco. ໃນງານ WWDC 2012 ປີນີ້ກໍ່ເຊັ່ນເຄີຍ, ເປັນງານເຜີຍແຜ່ ແລະ ແລກປ່ຽນປະສົບການລະຫວ່າງນັກພັດທະນາ ກັບ ນັກພັດທະນາ, ແລະ ລະຫວ່າງນັກພັດທະນາ ກັບ ພະນັກງານຂອງ Apple. ໃນງານປີນີ້ຈະເນັ້ນເປັນ iOS ແລະ OS X Mountain Lion. ສຳລັບບັດເຂົ້າງານນີ້, ຕາມລາຍງານແມ່ນຖືກຂາຍຫມົດໄປເປັນທີ່ຮຽບຮ້ອຍແລ້ວ.

ທີ່ມາ – Engadget

ບົດຄວາມທີ່ກ່ຽວຂ້ອງເເລະຫນ້າສົນໃຈ

Google ເປີດໂຕບໍລິການ Google Drive ຢ່າງເປັນທາງການແລ້ວ

Souliyo — Thu, 26 Apr 2012 21:42:29 +0000

ຍຸກສະໄຫມທີ່ Cloud Computing ເລີ່ມມີການຂະຫຍາຍໂຕ. ບໍລິສັດຍັກໃຫຍ່ຢ່າງ Google ກໍ່ບໍ່ນ້ອຍຫນ້າທີ່ຈະກ້າວເຂົ້າມາໃນຕະຫລາດນີ້, ເຊິ່ງຫລ້າສຸດ Google ກໍ່ໄດ້ເປີດໂຕບໍລິການ Cloud ຂອງຕົນເອງໄປຢ່າງຮຽບຮ້ອຍແລ້ວ ໂດຍບໍລິການນີ້ມີຊື່ວ່າ Drive ຫລື Google Drive ນັ້ນເອງ.

Google Drive ຈະເປັນບໍລິການເກັບຂໍ້ມູນຕ່າງໆເຊັ່ນ: ຮູບ, ເອກະສານ, ເພງ, ວິດີໂອ ແລະ ໄຟລ໌ອື່ນໆ ໄວ້ເທິງລະບົບ Cloud Computing. ໂດຍທົ່ວໄປແລ້ວ Google Drive ກໍ່ບໍ່ແຕກຕ່າງຫຍັງໄປຈາກບໍລິການ Cloud Storage ອື່ນໆ, ແຕ່ສິງທີ່ຫນ້າສົນໃຈຄື Google ມີບໍລິການຂອງຕົນເອງຫລາຍບໍລິການທີ່ສາມາດເຊື່ອມໂຍງເຂົ້າດ້ວຍກັນໄດ້ ແລະ ເຮັດໃຫ້ການໃຊ້ງານງ່າຍ ແລະ ສະດວກຂຶ້ນເຊັ່ນ:

ການສ້າງໄຟລ໌ເອກະສານ, ຜູ້ໃຊ້ສາມາດສ້າງເອກະສານຕ່າງໆເທິງ Google Docs ແລະໄຟລ໌ເອກະສານດັ່ງກ່າວ ກໍ່ຈະຖືກອັບໂຫລດຂຶ້ນມາຍັງຄອມພິມເຕີ່ທີ່ທ່ານໃຊ້ງານ Google Drive ຢູ່. ນອກນັ້ນແລ້ວ ຜູ້ໃຊ້ຍັງສາມາດແບ່ງປັນໄຟລ໌ເອກະສານດັ່ງກ່າວໃຫ້ກັບຫມູ່ ຫລື ເພື່ອນຮ່ວມງານໄດ້ ແລະ ທຸກຄົນສາມາດແກ້ໄຂ ຫລື ປຽນແປງເອກະສານໄດ້ພ້ອມກັນ ແລະ ທຸກຄົນກໍ່ຈະເຫັນການປ່ຽນແປງແບບ Real Time.

ນອກຈາກຄວາມສະດວກສະບາຍໃນການຈັດການເອກະສານແລ້ວ ໃນ Google Drive ຍັງມີຄວາມສາມາດໃນການຄົ້ນຫາໂຕຫນັງສືຈາກຮູບ ຫລື ໄຟລ໌ PDF ທີ່ Scan ຂຶ້ນໄປໄດ້ໂດຍໃຊ້ລະບົບ OCR. ຄວາມສາມາດນີ້ ເຫມາະສົມຫລາຍສຳລັບຄົນທີ່ Scan ເອກະສານຂຶ້ນໄປແລ້ວ ຢາກຄົ້ນຫາຈາກຮູບ ຫລື ໄຟລ໌ທີ່ສະແກນຂຶ້ນໄປ.

ຢ່າງໃດກໍ່ຕາມ, Google Drive ເປັນບໍລິການທີ່ໃຫມ່ ແລະ ມີ Application ທີ່ເຊື່ອມຕໍ່ກັບ Google Docs ແລະ ບໍລິການຂອງ Google ຫລາຍໂຕ, ເຮັດໃຫ້ Google ອາດຈະໄດ້ປຽບ ແລະ ເຮັດໃຫ້ຮັບຄວາມສົນໃຈສູງ. ສ່ວນໃຜທີ່ຢາກລອງໃຊ້ Google Drive ຕອນນີ້ ກໍ່ສາມາດເຂົ້າໄປເລີ່ມໃຊ້ບໍລິການໄດ້ ໂດຍ Google Drive ຈະແຈກໃຫ້ໃຊ້ຫລ້າ 5GB ຕໍ່ຫນຶ່ງບັນຊີ, ແລ້ວຫາກບໍ່ພໍກໍ່ສາມາດຈ່າຍເງິນສຳລັບພື້ນທີ່ເພີ່ມເຕີມໄດ້ບໍ່ແພງ 25GB ໃນລາຄາ $2.49/ເດືອນ, 100GB ໃນລາຄາ $4.99/ເດືອນ ແລະ 1TB ມີພຽງແຕ່ $49.99/ເດືອນ ເທົ່ານັ້ນ. ສ່ວນແອັບຯ ຕອນນີ່ມີຢູ່ໃນ Android Market, Windows ແລະ Mac ແລ້ວ. ສ່ວນ iOS ນັ້ນຄາດວ່າຈະມາໄວໆນີ້.

ທີ່ມາ – Google Drive

ບົດຄວາມທີ່ກ່ຽວຂ້ອງເເລະຫນ້າສົນໃຈ

Google ເຜີຍ “Project Glass” ແວ່ນຕາ Augmented Reality ໃນອານາຄົດ

Souliyo — Fri, 06 Apr 2012 07:05:13 +0000

ຫລ້າສຸດ Google ໄດ້ເຜີຍໂສມໂຄງການໃຫມ່ ເຊິ່ງໂຄງການນີ້ມີຊື່ວ່າ Project Glass. Project Glass ເປັນໂຄງການທີ່ສຶກສາ ແລະ ທົດສອບແວ່ນຕາ Augmented Reality ຫລື ມັນອາດຈະຖືກເອີ້ນວ່າ Smart Glasses ໃນອານາຄົດ. ໂຄງການດັ່ງກ່າວນີ້ຄວາມຈິງແລ້ວໄດ້ມີການລິເລີ່ມມາໄດ້ດົນພໍສົມຄວນ ເພາະບັງເອີນມີຄົນໄປເຈີະຊື່ເວັບໃຊ້ທີ່ຈົດທະບຽນໂດຍ Google ທີ່ມີຊືວ່າ Googleeye.com ໃນປີ 2003 ແລະ ມີຄວາມເປັນໄປໄດ້ສູງທີ່ທາງ Google ເອງອາດຈະໃສ່ຊື່ສິນຄ້າໂຕນີ້ວ່າ Google Eye. ແນວໃດກໍ່ດີ ໂຄງການນີ້ໄດ້ມີສ້າງສຽງຮືຮາກັນຫລາຍໃນວົງການໄອທີ ໂດຍສະເພາະບັນດາສາວົກອຸປະກອນໄອທີ. ສຳລັບໂຄງການ ຫລື ແວນຕາລັກສະນະດຽວກັນກັບ Project Glass ກໍ່ເຄີຍມີການນຳມາທົດລອງ ແລະ ວາງສະແດງກັນໄປຫລາຍໂຕພໍສົມຄວນແລ້ວ, ແຕ່ຂໍ້ດ້ອຍຂອງແວ່ນຕາເຫລົ່ານັ້ນ ຍັງມີຂະຫນາດໃຫຍ່ ແລະ ຮູບຮ່າງບໍ່ທັນສະໄຫມ. ໃນທາງກັບກັນ, Project Glass ໄດ້ເນັ້ນແນວຄິດສາມາດໃສ່ໄດ້ໃນຊີວິດປະຈຳວັນ (Wearable) ແລະ ບໍ່ເຮັດໃຫ້ຜູ້ສວມໃສ່ຮູ້ສຶກວ່າໂຕເອງຄ້າຍຄືກັບຫຸ່ນຍົນ.

ຢ່າງໃດກໍ່ຕາມ, Project Glass ໄດ້ເຮັດໃຫ້ຮູ້ວ່າໃນອີກບໍ່ດົນ ເຮົາອາດຈະໄດ້ໃສ່ມັນ ແລະ ມັນອາດຈະເປັນອີກຫນຶ່ງໃນຕະຫລາດອຸປະກອນພົກພາ (Smart Device) ເນື່ອງຈາກເປັນການພັດທະນາຈາກທີມງານຂອງ Google ແລະ Google ກໍ່ມີທັ້ງທຶນ ແລະ ຂໍ້ມູນອັນມະຫາສານ ເຊິ່ງເຮັດໃຫ້ຄວາມເປັນໄປໄດ້ນັ້ນ ມີສູງ.

ສຳລັບໃຜທີ່ຢາກຮູ້ ຫລື ຢາກເຫັນຕົວຢ່າງແນວຄິດຂອງການເຮັດວຽກຂອງ ແວ່ນຕາ Augmented Reality ຫລື Google Eye ວ່າມັນຈະອອກມາລັກສະນະແບບໃດ, ເຮັດວຽກແບບໃດ ແລະ ຫນ້າສົນໃຈແບບໃດ, ສາມາດເບິງວິດີໂອທາງດ້ານລຸ່ມນີ້ໄດ້ເລີຍ.

ທີ່ມາ – Techcrunch, 2

ບົດຄວາມທີ່ກ່ຽວຂ້ອງເເລະຫນ້າສົນໃຈ

Angry Birds Space ມາແຮງ! ເປີດໂຕສາມມື້ ຍອດດາວໂຫລດ 10ລ້ານ

Souliyo — Wed, 28 Mar 2012 00:57:52 +0000

ເປີດໂຕກັນໄປແລ້ວສຳລັບ Angry Birds ເວີຊັ່ນໃຫມ່ Angry Birds Space ເຊິ່ງມີໃຫ້ດາວໂຫລດແລ້ວທັ້ງສຳລັບ Android ແລະ iOS ໃນລາຄາ $0.99. ແຕ່ລາຍງານຫລ້າສຸດທາງ Rovio ກໍ່ໄດ້ອອກມາປະກາດຜ່ານທາງ Twitter ຂອງ Angry Birds ວ່າ Angry Birds Space ເຮັດສະຖິຕິການດາວໂຫລດໄດ້ສູງເຖິງ 10ລ້ານ ພາຍໃນເວລາບໍ່ເຖິງ 3ມື້. ຈາກຍອດດາວໂຫລດດັ່ງກ່າວ ເຮັດໃຫ້ເຫັນວ່າ Angry Birds ຍັງມີຄວາມເປັນທີ່ນິຍົມ ໃນບັນດາອຸປະກອນພົກພາຕ່າງໆ. ເມຶ່ອ ນຳຍອດດາວໂຫລດດັ່ງກ່າວ ມາຄິດເປັນເງິນແລ້ວ Rovio ສາມາດເຮັດເງິນໄດ້ຈາກ Angry Birds Space ສູງເຖິງ 10 ລ້ານຫລຽນ ພາຍໃນເວລາສາມມື້.

10 million Angry Birds Space downloads in less than 3 days! Thanks to our fans, stay tuned for more! #angrybirdsspace

— Angry Birds (@AngryBirds) March 26, 2012

ຢ່າງໃດກໍ່ຕາມ ກະແສການຕອບຮັບຂອງ Angry Birds Space ຖືວ່າສູງພໍສົມຄວນ, ສຳລັບໃຜທີ່ຍັງບໍ່ໄດ້ດາວໂຫລດມາລອງຫລິ້ນ ກໍ່ສາມາດເຂົ້າໄປດາວໂຫລດຈາກ Android Market ຫລື App Store ໄດ້. ສ່ວນຜູ້ຂຽນເອງ, ເວີຊັ່ນເກົ່າຍັງຫລິ້ນບໍ່ຈົບ

ດາວໂຫລດ - Android ແລະ iOS

ບົດຄວາມທີ່ກ່ຽວຂ້ອງເເລະຫນ້າສົນໃຈ

Google ຂາຍບັດເຂົ້າງານ Google I/O ຫມົດ ພາຍໃນເວລາ 20 ນາທີ

Souliyo — Wed, 28 Mar 2012 00:21:03 +0000

ລາຍງານຂ່າວຫລ້າສຸດ, ຫລັງຈາກທີ່ Google ໄດ້ເປີດໃຫ້ຈອງປີ້ເຂົ້າງານ Google I/O 2012 ທີ່ຈະຈັດຂຶ້ນໃນວັນທີ 27 – 29 ມິຖຸນາ 2012 ນີ້, ບັດຈຳນວນດັ່ງກ່າວໄດ້ຖືກຂາຍຫມົດກ້ຽງ ໂດຍໃຊ້ເວລາພຽງ 20ນາທີ ເທົ່ານັ້ນ. ເຊິ່ງໃນງານ Google I/O ປີນີ້ ຈະມີການເຜີຍແຜ່ຂໍ້ມູນໃຫ້ຜູ້ເຂົ້າຊົມ ກ່ຽວກັບຜະລິດຕະພັນຂອງ Google ເອງເຊັ່ນ: Chrome, Android, Google+ ແລະ Google TV. ນອກນັ້ນຍັງລວມເຖິງສິ່ງທີ່ບໍ່ແມ່ນຜະລິດຕະພັນຂອງ Google ເຊິ່ງໄດ້ແກ່ HTML5 ແລະ AJAX.

ຢ່າງໃດກໍ່ຕາມ, ໃນປີ 2011 Google ໃຊ້ເວລາເຖິງ 59ນາທີ ໃນການທີ່ຈະຂາຍບັດຈົນຫມົດກ້ຽງ, ແລະ ໃນງານດັ່ງກ່າວ ກໍ່ໄດ້ມີການແຈກຜະລິດຕະພັນຕ່າງໆເຊັ່ນ: Samsung Galaxy Tab, Verizon hotspot ແລະ Samsung Chromebook. ເຊິ່ງນີ້ອາດຈະເປັນອີກເຫດຜົນຫນຶ່ງ ທີ່ເຮັດໃຫ້ຄົນຕ້ອງການເຂົ້າຮ່ວມງານດັ່ງກ່າວສູງຂຶ້ນ ເພາະພຽງແຕ່ເຂົ້າຮ່ວມງານກໍ່ໄດ້ຂອງແຈກແບບຫລ້າໆແລ້ວ. ສຳລັບປີນີ້ ບໍ່ຮູ້ວ່າ Google ຈະແຈກຫຍັງໃຫ້ກັບຜູ້ຮ່ວມງານ, ແຕ່ຫາກໃຫ້ຜູ້ຂຽນເດົາແລ້ວ ອາດຈະເປັນ ແທັບເລັດ Android ລຸ້ນໃຫມ່ ຫລື ບໍ່ກໍ່ສະມາດໂຟນລຸ້ນໃຫມ່ ທີ່ຮອງຮັບ Google Wallet.

ທີ່ມາ – Wired

ບົດຄວາມທີ່ກ່ຽວຂ້ອງເເລະຫນ້າສົນໃຈ

Apple ປະກາດຍອດຂາຍ iPad (3rd Gen) ສູງ 3ລ້ານເຄື່ອງ ພາຍໃນ 3ມື້

Souliyo — Tue, 20 Mar 2012 01:04:28 +0000

ຫລ້າສຸດ Apple ອອກມາລາຍງານເຖິງຍອດຂາຍ iPad ລຸ້ນຫລ້າສຸດ (3rd Gen) ແລ້ວວ່າ ຫລັງຈາກທີ່ເລີ່ມວາງຂາຍໃນວັນສຸກທີ່ຜ່ານມາ ຈົນເຖິງວັນອາທິດ, ຍອດຂາຍ iPad 3rd Gen ມີຈຳນວນສູງເຖິງ 3ລ້ານເຄື່ອງ. ເຊິ່ງສະຖິຕິນີ້ຖືວ່າສູງຫລາຍ, ເຊິ່ງຫາກທຽບກັບ iPad 1st Gen ທີ່ມີຍອດຂາຍ 3ແສນເຄື່ອງ ໃນມື້ທຳອິດທີ່ວາງຈຳຫນ່າຍ. ນອກນັ້ນແລ້ວ ຍອດຂາຍຂອງ iPad 2 ທີ່ນັກວິເຄາະໄດ້ວິເຄາະອອກມາ ຫນ້າຈະຕົກຢູ່ປະມານ 500,000 – 1,000,000 ເຄື່ອງພາຍໃນສາມມື້. ແຕ່ເຖິງຢ່າງໃດກໍ່ຕາມ ຫາກ iPad 2 ມີຍອດຂາຍ 1ລ້ານເຄື່ອງພາຍໃນສາມມື້ iPad 3rd Gen ກໍ່ຖືວ່າມີຍອດຂາຍສູງເຖິງ ສາມເທຶ່ອຂອງ iPad 2. ສຳລັບຍອດຂາຍດັ່ງກ່າວຖືວ່າສູງລະດັບດຽວກັບ iPhone 4S ທີ່ມີຍອດຂາຍ 4ລ້ານເຄື່ອງ ພາຍໃນສາມມື້ທຳອິດທີ່ວ່າງຈຳຫນ່າຍ.

ຢ່າງໃດກໍ່ຕາມ ຈຸດເດັ່ນທີ່ເຮັດໃຫ້ iPad 3rd Gen ມີຄວາມຕ້ອງການສູງ ແບບນີ້ ຫລັກໆແລ້ວກໍ່ແມ່ນຫນ້າຈໍທີ່ລະອຽດຂຶ້ນ, ຫນ່ວຍປະມວນຜົນພາບທີ່ໄວຂຶ້ນ ພ້ອມກັບກ້ອງທີ່ມີຄຸນນະພາບສູງຂຶ້ນອີກດ້ວຍ.

ທີ່ມາ – Techcrunch

ບົດຄວາມທີ່ກ່ຽວຂ້ອງເເລະຫນ້າສົນໃຈ

iOS 5.1 ສາມາດເຮັດ Jailbreak ໄດ້ແລ້ວ (ຕະກຸນ CPU A5 ຍັງບໍ່ໄດ້)

Souliyo — Sun, 11 Mar 2012 08:54:10 +0000

ຫລັງຈາກທີ່ Apple ປ່ອຍ iOS 5.1 ໃຫ້ອັບເດດ ກໍ່ປາກົດວ່າມີຫລາຍຄົນຍັງບໍ່ຕ້ອງການທີ່ຈະອັບເດດ ເພາະເນື່ອງຈາກຈະເຮັດໃຫ້ສູນເສຍສະຖານະໃນການ jailbreak ໄປ.

ຫລ້າສຸດ ໃນ Redsn0w 0.9.10b6 ສາມາດ jailbreak iOS 5.1 ໄດ້ເປັນທີ່ຮຽບຮ້ອຍແລ້ວ, ແຕ່ຍັງເປັນພຽງ iDevices ທີ່ໃຊ້ CPU A4 ລົງມາ. ນອກນັ້ນແລ້ວ ໃນການ Jailbreak ນີ້ແມ່ນເປັນການ Jailbreak ແບບ tethered ເຊິ່ງທ່ານອາດຈະຕ້ອງເຊື່ອມຕໍ່ກັບຄອມຂອງທ່ານທຸກເທຶ່ອ ທີ່ຈະ Reboot iDevice ຂອງທ່ານ. ຢ່າງໃດກໍ່ຕາມ ຫລັງຈາກການ Jailbreak ທ່ານສາມາດໃຊ້ Semi-Tethered ເພຶ່ອຊ່ວຍໃຫ້ທ່ານ Reboot ໂດຍທີ່ບໍ່ຕ້ອງເຊື່ອມຕໍ່ກັບຄອມພິວເຕີຂອງທ່ານ. ໂດຍການຕິດຕັ້ງ Semi-Tethered ຈາກ Source http://thebigboss.org/semitether ຫລັງຈາກທ່ານໄດ້ Jailbreak ແລ້ວ.

ດາວໂຫລດ Redsn0w 0.9.10b6 (Windows/Mac)

ທີ່ມາ – Redmondpie

ບົດຄວາມທີ່ກ່ຽວຂ້ອງເເລະຫນ້າສົນໃຈ

ມາແລ້ວ The New iPad, ແລະ ສິ່ງທີ່ທ່ານຕ້ອງການຮູ້ໃນ iPad ລຸ້ນນີ້.

Souliyo — Sun, 11 Mar 2012 02:32:32 +0000

ຫລ້າສຸດໃນວັນທີ່ 7 ມີນາທີ່ຜ່ານມາ ທາງ Apple ໄດ້ອອກມາເປີດໂຕ iPad ລຸ້ນໃຫມ່ ທີ່ໄດ້ຊື່ວ່າ The new iPad. ໃນ The new iPad ນີ້ຈະມີຫນ້າຕາຄືກັບ iPad 2 ແຕ່ຈະມີການອັບເກຼດທາງດ້ານຮາດແວ ຫລື ສ່ວນທີ່ຢູ່ພາຍໃນເທົ່ານັ້ນ ເຊິ່ງໄດ້ແກ່:

ຫນ້າຈໍ Retina Display: ສຳລັບ The new iPad ນີ້ຈະໃຊ້ຈໍທີ່ຄວາມລະອຽດສູງເຖິງ 3.1ລ້ານພິກເຊວ ທີ່ 2048 x 1536, ເຊິ່ງມີຄວາມລະອຽດສູງກວ່າ HDTV ທົ່ວໄປເຖິງ 1ລ້ານພິກເຊວ.

ກ້ອງຖ່າຍຮູບທີ່ດີຂຶ້ນ: ໃນ The new iPad ຈະມາກັບກ້ອງ iSight ຄວາມລະອຽດ 5ລ້ານພິກເຊວ, ເຊິ່ງສາມາດຖ່າຍວິດີໂອໄດ້ລະອຽດເຖິງ 1080p ແລະ ມີຄວາມສາມາດກວດຈັບໃບຫນ້າໄດ້ອີກດ້ວຍ. ສຳລັບກ້ອງດ້ານຫນ້າແມ່ຈະເປັນກ້ອງ VGA.

ໃຊ້ CPU A5X: CPU A5x ນັ້ນເປັນຈະເປັນ CPU ສອງແກນສະຫມອງເທົ້າກັບ A5 ທີ່ມີໃນ iPad 2 ແລະ iPhone 4S. ແຕ່ໃນ A5X ຈະມາກັບ GPU ສີ່ແກນສະຫມອງ. ເຊິ່ງຈະເຮັດໃຫ້ການສະແດງຜົນພາບ ແລະ ເກມໄດ້ດີຂຶ້ນຫລາຍເຖິງ ສີ່ເທົ່າຂອງ iPad 2.

ຮອງຮັບ 4G LTE ແລະ 3G ທົ່ວໂລກ: ໃນ The new iPad ນັ້ນຈະຮອງຮັບເຄຶອຂ່າຍຄວາມໄວສູງຢ່າງ 4G LTE, ແລະ ຍັງສາມາດຮອງຮັບເຄຶອຂ່າຍ 3G ໄດ້ທົ່ວໂລກເທິງເຄຶອຂ່າຍ UMTS/HSPA/HSPA+/DC-HSDPA (850, 900, 1900, 2100 MHz) ແລະ GSM/EDGE (850, 900, 1800, 1900 MHz).

Dictation: ໃນ The new iPad ນີ້ຈະມາກັບຄວາມສາມາດທີ່ເອີ້ນວ່ານ້ອງຂອງ Siri ເລີ່ຍກໍວ່າໄດ້, ເຊິ່ງມັນຄື Dictation ທີ່ຈະມັນຈະຊ່ວຍພິມຂໍ້ຄວາມ ຕາມຄຳສັ່ງທີ່ເຮົາເວົ້າອອກໄປ.

ຢ່າງໃດກໍ່ຕາມ, ໃນເລື່ອງຂອງລາຄາຂອງ iPad 2 ນັ້ນກໍ່ໄດ້ມີການລົງລາຄາເຫລຶອພຽງເລີ່ມຕົ້ນທີ່ $399 ເທົ່ານັ້ນ. ສ່ວນ The new iPad ຈະເລີ່ມວາງຂາຍໃນວັນທີ່ 16 ມີນາ 2012 ທີ່ຈະຮອດນີ້, ໂດຍລາຄາແມ່ນມີດັ່ງນີ່:

- $499 ສຳລັບ WI-FI 16GB

- $599 ສຳລັບ WI-FI 32GB

- $699 ສຳລັບ WI-FI 64GB

- $629 ສຳລັບ WI-FI + 4G 16GB

- $729 ສຳລັບ WI-FI + 4G 16GB

- $829 ສຳລັບ WI-FI + 4G 16GB

ສຳລັບລາຍລະອຽດເພີ່ມເຕີມສາມາດເຂົ້າໄປເບິງໄດ້ທີ່ http://www.apple.com/ipad/features/

ບົດຄວາມທີ່ກ່ຽວຂ້ອງເເລະຫນ້າສົນໃຈ

Google ລວມບໍລິການ ເພງ, ຫນັງ, ແອັບຯ, ແລະ eBook ເປັນ Google Play

Souliyo — Wed, 07 Mar 2012 06:24:41 +0000

ຫລ້າສຸດ Google ໄດ້ປະການລວມບໍລິການຕ່າງໆເຊັ່ນ ເພງ, ຫນັງ, ແອັບຯ, ແລະ eBook ເຂົ້າເປັນຫນຶ່ງດຽວພາຍໄຕ້ຊື່ Google Play. Google Play ກໍ່ບໍ່ມີຫຍັງໃຫມ່ຫລາຍ, ເຊິ່ງເປັນພຽງການລວມເອົາບໍລິການຕ່າງໆເຂົ້າມາເປັນຫນຶ່ງດຽວ ເພຶ່ອໃຫ້ຜູ້ໃຊ້ບໍ່ຮູ້ສຶກສັບສົນ ແລະ ສາມາດເຂົ້າເຖິງຄວາມບັນເທີງທຸກຮູບແບບ ໃນບ່ອນດຽວ ຄື Google Play. ສຳລັບເວັບໄຊຕ໌ Android Market, Google Music, Google Book ແລະ Google Movie Rental ໃນຮູບແບບທີ່ຫລາຍຄົນຮູ້ຈັກຜ່ານມານັນ ປະຈຸບັນຈະຖືກສົ່ງເຂົ້າໄປ https://play.google.com/store ແທນເຊິ່ງຜູ້ໃຊ້ສາມາດຊອກຊື້ ໃຊ້ບໍລິການໃນບ່ອນດຽວ.

ຢ່າງໃດກໍ່ດີ, ຜູ້ຂຽນເອງກໍ່ຖືວ່ານີ້ເປັນການຕະຫລາດ ແລະ ເທັກນິກອັນຫນຶ່ງ ທີ່ເຮັດໃຫ້ຜູ້ໃຊ້ເຂົ້າໃຈງ່າຍ ແລະ ຮູ້ຈັກບໍລິການ ເພງ, ຫນັງ, ແອັບຯ, ແລະ eBook ໃນຊື່ Google Play, ເຊັ່ນດຽວກັບ iTunes.

ທີ່ມາ – Google Play

ບົດຄວາມທີ່ກ່ຽວຂ້ອງເເລະຫນ້າສົນໃຈ

Microsoft ອອກ Windows 8 Consumer Preview ໃຫ້ທົດລອງໃຊ້ແລ້ວ

Souliyo — Thu, 01 Mar 2012 08:33:28 +0000

ລາຍງານຂ່າວຫລ້າສຸດ, ເປັນຂ່າວທີ່ຫນ້າຕື່ນເຕັ້ນຫລາຍ ເມຶ່ອ Windows 8 ເດີນທາງມາໃກ້ຈະຮອດການອອກເວີຊັ່ນສົມບູນແລ້ວ, ໂດຍຫລ້າສຸດທາງ Microsoft ໄດ້ອອກ Windows 8 Consumer Preview ທີ່ອອກມາສຳໃຫ້ຜູ້ໃຊ້ທົ່ວໄປໄດ້ທົດສອບກັນ. ເຊິ່ງນັ້ນຫມາຍຄວາມວ່າ Windows 8 ນັ້ນໃກ້ຈະອອກເວີຊັ່ນສົມບູນ ແລະ ວາງຈຳຫນ່າຍໃນອີກບໍ່ດົນນີ້.

ຢ່າງໃດກໍ່ດີ, ຫາກທ່ານຕ້ອງການຈະດາວໂຫລດມາທົດລອງໃຊ້ກ່ອນ ອັນນີ້ຜູ້ຂຽນເອງແນະນຳເປັນຢ່າງຍິ່ງ ເພາະ Windows 8 Consumer Preview ນັ້ນຖືວ່າສົມບູນຫລາຍພໍສົມຄວນ, (ແຕ່ກໍ່ບໍ່ຄວນນຳມາໃຊ້ເປັນລະບົບປະຕິບັດການຫລັກຂອງຄອມທ່ານ). ສຳລັບສະເປັກທີ່ຈະສາມາດລົງ Windows 8 Consumer Preview ນີ້ໄດ້ຕ້ອງມີ CPU ຢ່າງຫນ້ອຍ 1GHz, ຕ້ອງມີ Ram 1GB (32-bit), 2 GB (64-bit), ຮາດດີສຕ້ອງມີພື້ນທີ່ຫວ່າງຢ່າງຫນ້ອຍ 16GB ສຳລັບ 32-bit / 20 GB ສຳລັບ 64-bit, ຮອງຮັບ DirectX 9 ພ້ອມ WDDM 1.0 ແລະ ຕ້ອງໃຊ້ Product Key ນີ້: NF32V-Q9P3W-7DR7Y-JGWRW-JFCK8

ດາວໂຫລດ - http://windows.microsoft.com/en-US/windows-8/iso

ທີ່ມາ – Engadget