iOS Apps ຂ່າວໄອທີ

Google ອັບເດດແອັບຯ Youtube ໃຫ້ຮອງຮັບ iPhone 5 ແລະ iPad ແລ້ວ

ຫຼັງຈາກທີ່ Apple ຖອດແອັບຯ Youtube ສຳລັບ iOS ອອກໄປແລ້ວ ທາງ Google ກໍ່ໄດ້ອອກແອັບຯ Youtube ຂອງໂຕເອງອອກມາແທນທັນທີ. ແຕ່ຫລັງຈາກນັ້ນບໍ່ດົນ iPhone 5 ກໍ່ໄດ້ຖືກນຳອອກມາວາງຈຳຫນ່າຍເຊິ່ງເປັນອຸປະກອນທີ່ມີຂະຫນາດຫນ້າຈໍໃຫຍ່ກວ່າ iPhone 4 ແລະ 4S ຈຶ່ງເຮັດໃຫ້ຜູ້ໃຊ້ iPhone 5 ລວມໄປເຖິງຜູ້ໃຊ້ iPad ຕ້ອງໄດ້ລໍຖ້າເວີຊັ່ນທີ່ຮອງຮັບຂະຫນາດຫນ້າຈໍທີ່ໃຫຍ່ຂຶ້ນ.

ຫຼ້າສຸດ Google ໄດ້ອັບເດດແອັບຯ Youtube ເວີຊັ່ນໃຫມ່ຂອງຕົນເອງໃຫ້ກັບລະບົບປະຕິບັດການ iOS ຮຽບຮ້ອຍແລ້ວ. ເຊິ່ງໃນເວີຊັ່ນຫຼ້າສຸດ ແນ່ນອນມັນຮອງຮັບ iPhone 5 ແລະ iPad ຮຽບຮ້ອຍແລ້ວ. ສຳລັບການໃຊ້ງານເບື້ອງຕົ້ນນັ້ນ ຜູ້ຂຽນເຫັນວ່າມັນເລື່ອນໄຫລດີ ແລະ ໃຊ້ງານງ່າຍພ້ອມທັງມີຄວາມສາມາດຕ່າງໆຫລາຍຂຶ້ນ ເຊິ່ງທີ່ຜູ້ຂຽນມັກທີ່ສຸດກໍ່ຄືການຄົ້ນຫາດ້ວຍສຽງ. ສຳລັບໃຜທີ່ກຳລັງໃຊ້ງານ Youtube ໃນ iOS ຢູ່ແລ້ວກໍ່ສາມາດອັບເດດໄດ້ເລີຍ, ສ່ວນໃຜທີ່ໃຊ້ງານ iPad ຫລື iPhone 5 ທີ່ລໍຖ້າແອັບຯ Youtube ຢູ່ກໍ່ສາມາດເຂົ້າໄປດາວໂຫລດໄດ້ທີ່ App Store.

ດາວໂຫລດ: https://itunes.apple.com/us/app/youtube/id544007664?mt=8

About the author

Souliyo

Webmaster, Web Designer, Blogger. CEO and Founder Of 856GROUP

ສະແດງຄວາມຄິດເຫັນ

one × 3 =

*