ຂ່າວໄອທີ

Android ສະຫລອງຄົບຮອບ 10ພັນລ້ານ ດາວໂຫລດ, ພ້ອມຫລຸດລາຄາແອັບຯ

ຫລ້າສຸດທາງ Blog ຂອງ Google ໄດ້ອອກມາໂພສສະຖານະຂອງຍອດການດາວໂຫລດແອັບຯໃນ Android Market ປະຈຸບັນທະລຸ 10ພັນລ້ານ ດາວໂຫລດແລ້ວ. ເຊິ່ງເພີ່ມຂຶ້ນມາ 4ພັນລ້ານດາວໂຫລດ ຈາກສະຖິທີຫລ້າສຸດໃນເດືອນ ກໍລະກົດ ທີ່ມີມີຍອດດາວໂຫລດທະລຸ 6ພັນລ້ານດາວໂຫລດ. ຢ່າງໃດກໍ່ຕາມ ໃນຍອດ 4ພັນລ້ານດາວໂຫລດເພີ່ມຂຶ້ນມາ ແມ່ນໃຊ້ເວລາພຽງ 5ເດືອນ ເທົ່ານັ້ນ; ແລະ ຫາກສັງເກດຕາມຮູບກຼາຟທາງດ້ານລຸ່ມແລ້ວ ຈະມີເຫັນໄດ້ແຈ້ງວ່າຍອດດາວໂຫລດ ແອັບຯ ໃນ Android Market ນັ້ນຂະຫຍາຍຕົວສູງພໍໆກັບ ການຂະຫຍາຍຕົວຂອງອຸປະກອນ Android.

ແນວໃດກໍ່ດີ, ເນື່ອງໃນໂອກາດຄົບຮອບ 10ພັນລ້ານ ດາວໂຫລດ, ທາງ Google ກໍ່ໄດ້ຈັບມືກັບນັກພັດທະນາ ແລະ ຄ້າຍເກມຕ່າງໆ, ຫລູດລາຄາກັນກະຫນ່ຳ ເປັນເວລາ 10ວັນ ໃນລາຄາພຽງ $0.10 ຫລື ບໍ່ຮອດ 1000 ກີບ. ເຊິ່ງໃນນາທີນີ້ກໍ່ໄດ້ເລີ່ມມີນັກພັດທະນາເຂົ້າຮ່ວມແລະຫລຸດລາຄາກັນແລ້ວເຊິ່ງໄດ້ແກ່: Asphalt 6 HDColor & Draw for Kids,Endomondo Sports Tracker ProFieldrunners HDGreat Little War GameMinecraftPaper CameraSketchbook MobileSoundhound Infinity ແລະ SwiftKey X. ນອກຈາກນີ້ຍັງຈະມີເພີ່ມເຕີມເຂົ້າມາ ເຊິ່ງສາມາດຕິດຕາມ Facebook Page ແລະ Twitter @souliyo ຂອງເວັບໄດ້.

ຕິດຕາມ ໂປຼ $0.10/ແອັບຯ ໄດ້ທີ່ https://market.android.com/details?id=apps_timed_promotion&feature=banner

ທີ່ມາ – Google Blog

About the author

Souliyo

Webmaster, Web Designer, Blogger. CEO and Founder Of 856GROUP

ສະແດງຄວາມຄິດເຫັນ

five × three =

*