ຂ່າວດ່ວນ ຂ່າວໄອທີ

Google ພ້ອມໃຫ້ບໍລິການເຊົ່າຫນັງອອນໄລນ໌ ເທິງເວັບໄຊຕ໌ Youtube ແລ້ວ

ລ່າສຸດມີລາຍງານຈາກເວັບໄຊຕ໌ The Wrap ລາຍງານວ່າ, ຕອນນີ້ Google ພ້ອມໃຫ້ບໍລິການເຊົ່າຫນັງອອນໄລນ໌ເທິງເວັບໄຊຕ໌ Youtube ແລ້ວ, ເຊິງຫລັງຈາກທີ່ທາງເວັບໄດ້ເຂົ້າໄປເຊັກເບິງ ກໍ່ສັງເກດເຫັນວ່າບໍລິການເຊົ່າຫນັງໃນ Youtube ຖືວ່າພ້ອມໃຊ້ງານແລ້ວ ບໍ່ວ່າຈະເປັນລະບົບ FAQ, ການເຊື່ອມບັນຊີ Youtube ເຂົ້າກັບ Google Check Out ເພຶ່ອຈ່າຍຄ່າເຊົ່າຫນັງ ແລະພ້ອມກັນນັ້ນກໍ່ຍັງມີຫນັງຈາກຄ້າຍໆຕ່າງໆຍັງບໍ່ຫລາຍເທົ່າໃດເຊິ່ງໄດ້ແກ່ Sony, Warner, Universal, Lionsgate, Kino Lorber and ຄ້າຍຫນັງອິດສະລະທົ່ວໄປ.

ລາຄາໃນການເຊົ່າຫນັງເທິງ Youtube ຈະເລີ່ມຕັ້ງແຕ່ $0.99 ຈົນເຖິງ $19.99 ເຊິ່ງຜູ້ໃຊ້ ຫລື ຜູ້ທີ່ຕ້ອງການເຊົ່າຈະຕ້ອງຈ່າຍຜ່ານບໍລິການ Google Check Out ເທົ່ານັ້ນ ເຊິ່ງກໍ່ເປັນທີ່ຮູ້ກັນດີວ່າ Google Check out ຍັງສາມາດໃຊ້ໄດ້ໃນອາເມລິກາເທົ່ານັ້ນ. ເຊິ່ງໃນການເຊົ່ານີ້ຜູ້ໃຊ້ສາມາດເຂົ້າໄປເລືອກຫນັງທີ່ຕ້ອງການຢາກເຊົ່າ (ຕອນນີ້ຍັງມີບໍ່ຫລາຍ) ໂດຍເຂົ້າໄປທີ່ http://www.youtube.com/store, ຫລັງຈາກນັ້ນຄິກທີ່ຫນັງທີ່ຜູ້ໃຊ້ຕ້ອງການເຊົ່າ ແລ້ວມັນກໍ່ຈະພາໄປຍັງຫນ້າເບິ່ງຕົວຢ່າງຫນັງ ຫາກຕ້ອງການເຊົ່າກໍ່ສາມາດກົດເຊົ່າໄດ້ເລີຍທັນທີ.

ເຖິງວ່າການທີ່ຈະເລີ່ມໃຫ້ບໍລິການເຊົ່າຫນັງເທິງ Youtube ຈະຍັງນ້ອຍ ຫລື ມີຫນັງໃຫ້ເຊົ່າຫນ້ອຍກໍ່ຕາມ, ເພາະຜູ້ຂຽນເຊຶ່ອວ່າອີກບໍ່ດົນເມຶ່ອ Google ເປີດໂຕຢ່າງເປັນທາງການແລ້ວ ມັນອາດຈະມີຫນັງເພີ່ມຂຶ້ນມາຢ່າງວ່ອງໄວ ຈາກຫລາຍໆຄ້າຍຫນັງດັງອັນດັບໂລກ. ລວມເຖິງຜູ້ໃຊ້ເອງກໍ່ຈະສະດວກສະບາຍໃນການຮັບຊົມ.

ທີ່ມາ – Engadget

About the author

Souliyo

Webmaster, Web Designer, Blogger. CEO and Founder Of 856GROUP

ສະແດງຄວາມຄິດເຫັນ

seven − one =

*