ຂ່າວໄອທີ

ແຮງບໍ່ມີຕົກ​! ລະບົບປະຕິບັດການ Android ຍອດດາວໂຫລດ App 3ພັນລ້ານ

ລ່າສຸດ Google ອອກມາປະກາດຍອດການດາວໂຫລດ App ໃນ Android Market ຂອງຕົນວ່າ ປະຈຸບັນ ຍອດດາວໂຫລດ App ໃນ Android Market ໄດ້ເຖິງ 3ພັນລ້ານດາວໂຫລດແລ້ວ, ເຊິ່ງໃນນັ້ນກໍ່ບໍ່ເຮັດໃຫ້ຫນ້າແປກໃຈ ຫລື ຕື່ນຕາຕືນໃຈໄປຫາກບໍ່ແມ່ນເພາະ 1ພັນລ້ານລ່າສຸດນັ້ນ ເປັນຍອດດາວໂຫລດທີ່ນັບສະເພາະໄຕມາດທຳອິດຂອງປີນີ້ເທົ່ານັ້ນ. ເຊິ່ງນັ້ນຫມາຍຄວາມວ່າ ຍອດດາວໂຫລດ App ໃນ​ Android Market ໃນສາມເດືອນທີ່ຜ່ານມານັ້ນ ມີຍອດດາວໂຫລດ 1ພັນລ້ານ ເຊິ່ງຕາມລາຍງານບອກວ່າ ຍອດດາວໂຫລດ App ໃນ Android Market ໃນສາມເດືອນທີ່ຜ່ານມາ ຄິດສະເລີຍເປັນ 11ລ້ານຕໍ່ມື້.

ນອກນັ້ນ Google ຍັງເຜີຍອີກວ່າ ຍອດການເປີດໃຊ້ເຄື່ອງໃຫມ່ ຫລື ການ Activation ຂອງ Android ໃນປະຈຸບັນ ສູງເຖິງ 350,000 ເຄື່ອງຕໍ່ມື້,​ ແລະ ຫາກຄິດໄລ່ຫມົດປີນີ້ ຈະມີໂທລະສັບ ຫລື ແທັບເລັດ ຫລື ອຸປະກອນ Android ທັງຫມົດເພີ່ມຂຶ້ນມາອີກ 12ລ້ານເຄື່ອງ.

ທີ່ມາ – ZDNET

About the author

Souliyo

Webmaster, Web Designer, Blogger. CEO and Founder Of 856GROUP

ສະແດງຄວາມຄິດເຫັນ


*

ten + seven =