ຂ່າວດ່ວນ ຂ່າວໄອທີ

Apple ປະກາດຈັດງານ WWDC 2011 ຂຶ້ນໃນວັນທີ 6 ມິຖຸນາ ນີ້

ລາຍງານລ່າສຸດ Apple ໄດ້ປະກາດຈະຈັດງານ WWDC 2011 (world Wide Developers Conference 2011) ຂຶ້ນໃນວັນທີ 6 ມິຖຸນາ ນີ້. ໂດຍລາຍລະອຽດກໍ່ບໍ່ມີຫຍັງຫລາຍນອກຈາກບອກວ່າ “Join us for a preview of the future of iOS and Mac OS X” ເທົ່ານັ້ນ. ງານດັ່ງກ່າວທີ່ຈະຈັດຂຶ້ນນີ້ ແມ່ນຈະຈັດຊ່ວງໄລຍະການເປີດໂຕ iPhone ຂອງທຸກໆປີ ເຊິ່ງອາດຈະມີການເປີດໂຕ iPhone ລຸ້ນຕໍ່ໄປ ຫລື iPhone 5 ນັ້ນເອງ, ເພາະໃນປີທີ່ຜ່ານມາ Apple ກໍ່ໄດ້ເປີດໂຕ iPhone 4 ໄປໃນໄລຍະນີ້ ແລະ ໃນງານ WWDC ດັ່ງກ່າວ ເຊັ່ນດຽວກັນ. ສ່ວນບັດເຂົ້າງານດັ່ງກ່າວນີ້ ມີລາຄາທີ່ $1,599.

ແຕ່ຈາກການຄາດການ ແລະ ຮູບ icon ຂອງ App ໃນໂລໂກ້ແລ້ວ ອາດຈະເປັນການເວົ້າເຖິງພຽງແຕ່ເລື່ອງ ຊອຟ໌ແວຼ ຢ່າງ​ iOS ແລະ Mac OS X ເທົ່ານັ້ນ. ຢ່າງໃດກໍ່ຕາມຫາກມີລາຍລະອຽດເພີ່ມເຕີມກ່ຽວກັບຂ່າວນີ້ກໍ່ຈະນຳມາອັບເດດ ໃຫ້ຮັບຮູ້ກັນທັນທີ່. ແຕ່ຫວັງວ່ານັບຈາກນີ້ ອາດຈະມີຂ່າວອອກມາໃຫ້ອ່ານຕະຫລອດກ່ຽວກັບ Apple.

ທີ່ມາ – Apple

About the author

Souliyo

Webmaster, Web Designer, Blogger. CEO and Founder Of 856GROUP

ສະແດງຄວາມຄິດເຫັນ

10 − 2 =

*