ຂ່າວໄອທີ ໂທລະສັບ

LG ຈະເປີດໂຕ Optimus 3D ໂທລະສັບມືຖືຈໍສາມິຕິ ໃນງານ MWC

ລ່າສຸດມີລາຍງານພ້ອມກັບຮູບຖ່າຍ ທີ່ຄາດວ່າຮູບຂອງໂທລະສັບ ດ້ານລຸ່ມນີ້ ຈະເປັນ LG Optimus 3D ໂທລະສັບມືຖື ທີ່ມີຫນ້າຈໍສາມາດສະແດງຜົນແບບສາມມິຕິໄດ້ ໂດຍບໍ່ຕ້ອງງໍ້ແວ່ນຕາ, ເຊິ່ງສະເປັກທີ່ເປີດເຜີຍອອກມາ ກໍ່ສູງພໍສົມຄວນ, ເຊິ່ງມີຫນ້າຈໍຂະຫນາດ 4.3ນິ້ວ ມາກັບຫນ່ວຍປະມວນຜົນ Dual Core ແລະ RAM ແບບ Multi-channel, ມີພອດ HDMI ແລະກ້ອງທາງດ້ານຫນ້າ.

ນອກຈາກ ຈະສາມາດສະແດງຜົນແບບສາມມິຕິໄດ້ແລ້ວ ຈາກລາຍງານຍັງບອກອີກວ່າ ຈະສາມາດບັນທຶກພາບຫລືວິດີໂອ ເປັນສາມມິຕິໄດ້ອີກດ້ວຍ, ສ່ວນລະບົບປະຕິບັດການນັ້ນ ແນ່ນອນຕ້ອງເປັນ Android ແຕ່ຍັງບໍ່ຮູ້ວ່າເປັນເວີຊັ່ນໃດ, ແລະ ຈະເປີດໂຕໃນໃນງານ MWC (Mobile World Congress) ທີ່ຈະຈັດຂຶ້ນໃນວັນທີ່ 14-17 ກຸມພາ ນີ້.

ທີ່ມາ: Phandroid

About the author

Souliyo

Webmaster, Web Designer, Blogger. CEO and Founder Of 856GROUP

ສະແດງຄວາມຄິດເຫັນ


*

19 − thirteen =