ຫລັງຈາກ Skype ໄດ້ອອກ Skype 5 beta ສຳລັບເຄື່ອງ Mac ໄປແລ້ວໃນເດືອນ ພະຈິກທີ່ຜ່ານມາ ລ່າສຸດທາງ Skype ໄດ້ອອກ Skype 5 ເວີຊັ່ນສົມບູນສຳລັບຜູ້ໃຊ້ Mac ໄດ້ດາວໂຫລດໄປໃຊ້ກັນແລ້ວ. ເຊິ່ງເດັ່ນໆໃນເວີຊັ່ນນີ້ກໍ່ຄື ສາມາດໃຊ້ງານ Group Video Calling ຄືການລົມສາຍແບບເປັນກຸ່ມພ້ອມກັນຫລາຍໆຄົນໄດ້ ແລະ ຍັງສາມາດແຊັດແບບເປັນກຸ່ມໄດ້ເຊັ່ນກັນ. ນອກເຫນຶອຈາກ ສອງຟີເຈີນີ້ແລ້ວ ຍັງມີການປັບປຸງຫນ້າຕາຂອງໂປຼແກຼມໃຫ້ຫນ້າໃຊ້ຂຶ້ນ, ໃຊ້ງານງ່າຍ ແລະສະດວກຫລາຍຂຶ້ນ.
ສຳລັບ Group Video Calling ນັ້ນ ຜູ້ໃຊ້ຈະຕ້ອງໄດ້ເສຍຄ່າໃຊ້ທຳນຽມ ໃນລາຄາ $4.99 ຕໍ່ຫນຶ່ງວັນ ຫລື ຈະຈ່າຍເປັນເດືອນກໍ່ໄດ້ $8.99ຕໍ່ເດືອນ, ແຕ່ຫາກທາງ Skype ເປີດໃຫ້ຜູ້ໃຊ້ຂໍທົດລອງໃຊ້ງານໄດ້ຟຼີ 7ວັນ. ສຳລັບຜູ້ໃຊ້ Mac ທີ່ມີ Skype ຢູ່ໃນເຄື່ອງແລ້ວກໍ່ສາມາດອັບເດດເປັນເວີຊັ່ນ 5 ໄດ້ທັນທີ ຫາກຍັງບໍ່ມີ ກໍ່ສາມາດເຂົ້າໄປດາວໂຫລດໄດ້ທີ່: http://www.skype.com/intl/en/get-skype/on-your-computer/macosx
ທີ່ມາ: Skype for Mac
Loading ...
