ຂ່າວໄອທີ

Opera 11 ເວີຊັ່ນເຕັມ ປ່ອຍໃຫ້ດາວນ໌ໂຫລດແລ້ວ

ລ່າສຸດທາງ Opera ກໍ່ໄດ້ອອກໂປຼແກຼມທ່ອງເວັບເວີຊັ່ນໃຫມ່ຢ່າງ Opera ໂດຍປະຈຸບັນແມ່ນເວີຊັ່ນ 11 ແລ້ວ ເຊິ່ງໃນເວີຊັ່ນນີ້ກໍ່ຈະເພີ່ມຟີເຈີ່ທີ່ຊື່ວ່າ Tab stacking, Safer address field, Visual mouse gestures ແລະ Mail panel.

ສຳຫລັບ Tab Stacking ນີ້ກໍ່ຄືການຮວມເອົາຫລາຍໆແທັບມາຮວມເປັນອັນດຽວ ເພຶ່ອຈະຊ່ວຍໃຫ້ເຮົາບໍ່ສັບສົນໃນເວລາເຮົາເປີດເວັບໄວ້ຫລາຍໆແທັບ, ໃນສ່ວນຂອງ Safer address field ຈະເປັນການແຈ້ງເຕືອນວ່າເວັບນັ້ນໆທີ່ເຮົາເຂົ້າໄປນັ້ນປອດເປັນເວັບປະເພດໃດ ແລ້ວມີການເຂົ້າລະຫັດຄວາມປອດໄພແບບໃດ, ຟີເຈີ Visual mouse gesture ກໍ່ຖືວ່ານ່າສົນໃຈພໍສົມຄວນ ເພາະມັນຄືການສັ່ງດ້ວຍເພີ່ມເຕີມດ້ວຍເມົ້າ ໂດຍຄິກຂົວຄ້າງໄວ້ ແລ້ວກໍ່ລາກລົງລຸ່ມເພຶ່ອເປີດແທັບໃຫມ່ ແລ້ວກໍ່ຄິກຂົວຄ້າງໄວ້ແລ້ວກໍ່ລາກລົງ ແລ້ວກໍ່ລາກໄປເບື້ອງຂົວ ກໍ່ຈະເປັນການປິແທັບນັ້ນໆ ແລະຍັງມີອີກຫລາຍວິທີ ສາມາດຫາລາຍລະອຽດໄດ້ ຈາກເວັບ Opera ແລະສຳຫລັບ Mail Panel ນີ້ກໍ່ຈະເປັນການນຳເອົາ Email Client ຝັງລົງໄປໃນໂຕຂອງ Opera ເລີຍເພຶ່ອຈະໃຫ້ສະດວກໃນການໃຊ້ງານ ແບບບໍ່ຕ້ອງໃຊ້ໂປຼແກຼມອື່ນ ຫລື ເຂົ້າເວັບເພຶ່ອກວດອີເມວ. ຫາກໃຜເປັນແຟນ Opera ຢູ່ ຫລື ຢາກທົດລອງໃຊ້ ກໍ່ສາມາດເຂົ້າໄປດາວໂຫລດໄດ້ທີ່: http://www.opera.com ໄດ້ເລີຍ.

About the author

Souliyo

Webmaster, Web Designer, Blogger. CEO and Founder Of 856GROUP

ສະແດງຄວາມຄິດເຫັນ

fourteen − twelve =

*