ຂ່າວໄອທີ ແທັບເລັດ

ຂ່າວລື: iPad ລຸ້ນ 2 ກຳລັງຈະຖືກສົ່ງໄປຍັງ Apple ແລ້ວ

ລ່າສຸດຜ່ານ digitimes ລາຍງານວ່າ iPad ລຸ້ນທີ່ສອງກຳລັງຈະຖືກຂົນສົ່ງໄປຍັງ Apple ແລ້ວ, ເຊິ່ງຂ່າວດັ່ງກ່າວມີຢູ່ວ່າ ໂຮງງານຜະລິດ ອຸປະກອນ ອິເລັກໂຕຼນິກ Foxconn ໄດ້ ຕຽມທີ່ຈະສົ່ງ iPad ລຸ້ນທີ່ສອງ ລັອດທຳອິດ ຈຳນວນ 4ແສນ ເຖິງ 6ແສນ ໄປຍັງ Apple ພາຍໃນອີກ 100ວັນທາງຫນ້ານີ້ ເຊິ່ງກໍ່ຈະຕົກເປັນປະມານທ້າຍເດືອນ ກຸມພາປີຫນ້ານີ້.

ນອກຈາກນີ້ digitimes ຍັງລາຍງານອີກວ່າ iPad 2 ຍັງຢູ່ໃນລະຫວ່າງທົດສອບ firmware ຢູ່, ນອກນັ້ນກໍ່ມີຂ່າວຫລາຍສຳນັກຄາດການໄວ້ວ່າ Apple ອາດຈະຈັດງານຖະແຫລງຂ່າວເປີດໂຕ iPad 2 ນີ້ ໃນກາງເດືອນມັງກອນ ແລະ ຈະເລີ່ມວາງຂາຍ ປະມານເດືອນມີນາ ຫລື ເມສາ. ຢ່າງໃດກໍ່ຕາມ ກໍ່ຕ້ອງຕິດຕາມກັນຕໍ່ໄປວ່າຈະແມ່ນຄວາມຈິງ ຫລືບໍ່ ຫາກມີຫຍັງຄືບຫນ້າຈະຮີນຳມາລາຍງານທັນທີ.

ທີ່ມາ: digitimes

About the author

Souliyo

Webmaster, Web Designer, Blogger. CEO and Founder Of 856GROUP

2 Comments

  • ເຫີໆ ເຫັນແລ້ວກະຢາກໄດ້ພ້ອມເລີຍ…….ແຕ່ລາຄາຢູ່ບ້ານເຮົານີ້ຕີໂຄດແພງເລີຍ……….
    ຖ້າທຽບກັບປະເທດໃກ້ຄຽງຢ່າງຫວຽດນາມ ແລະໄທ

    • ມັນກໍ່ບໍ່ລື່ນກັນຫລາຍດອກ ເພາະເປັນລາຄາເຄື່ອງຫິ້ວເດ ເນຶ່ອງຈາກລາວເຮົາບໍ່ມີສາຂາ ການຫິ້ວເຂົ້າມາກໍຕ້ອງໄດ້ກຳໄລເລັກນ້ອຍ ຕາມການຄ້າຂາຍ.

ສະແດງຄວາມຄິດເຫັນ


*

14 − 3 =