Microsoft ປ່ອຍ Microsoft Office 365 ແຂ່ງກັບ Google App
ລາຍງານຂ່າວລ່າສຸດ Microsoft ໄດ້ແນະນຳ Office 365 ບໍລິການຊອຟົຕ໌ແວລ໌ Office ແລະ e-mail ເວີລ໌ຊັນເຮັດວຽກເທິງເວັບ ໂດຍ Microsoft ຕ້ອງການຕໍ່ກອນກັບ Google Apps ທີ່ໃຫ້ບໍລິການເວັບແອບຯ ຢ່າງ Word ແລະ Spreadsheets ດ້ວຍຄ່າສະມາຊິກ 50 ຫລຽນຯ ຕໍ່ປີ ໃນຂະນະທີ່ MS Office 365 ຈະເກັບຄ່າບໍລິການຢູ່ທີ່ 72 ຫລຽນຯ (ປະມານ 2,200 ບາດ) ຕໍ່ປີ ຊຶ່ງຜູ້ໃຊ້ທີ່ສົນໃຈສາມາດລົງທະບຽນໃຊ້ງານໄດ້ຟຼີໂດຍ Microsoft ຈະເລີ່ມເກັບຄ່າບໍລິການໃນປີ 2011
Microsoft ກ່າວວ່າ Office 365 ຈະເປັນເທື່ອທຳອິດຂອງການໃຫ້ບໍລິການກັບທຸລະກິດດ້ວຍຊຸດຊອຟົຕ໌ແວລ໌ Office ເທິງເວັບດ້ວຍຮູບແບບຂອງການເກັບຄ່າບໍລິການລາຍເດືອນ ທັງນີ້ເນື່ອງຈາກແນວໂນ້ມຂອງ ທຸລະກິດສະໄໝໃໝ່ຕ້ອງການໃຫ້ພະນັກງານໃຊ້ໂປແກມຕ່າງໆ ທີ່ໂຮດຕ໌ຢູ່ເທິງເວັບ ແລະເຮັດວຽກຜ່ານບຼາວເຊີລ໌ ຊຶ່ງປະຫຍັດ ປອດໄພ ແລະໃຫ້ຄວາມຍືດຍຸ່ນໃນການໃຊ້ງານຫລາຍກວ່າ.
ໃນ ສ່ວນຂອງ Microsoft Office 365 ສຳລັບ SMEs ທີ່ມີຜູ້ໃຊ້ບໍ່ເຖິງ 25 ຄົນ ບໍລິການຈະປະກອບດ້ວຍຊອຟົຕ໌ແວລ໌ Office 2010 ເວີລ໌ຊັນເທິງເວັບ SharePoint Online, Exchange Online ແລະ Lync Online ໂດຍໃຫ້ບໍລິການໃນຮູບແບບຂອງ Cloud ຊຶ່ງຈະເກັບຄ່າບໍລິການ 6 ຫລຽນຯຕໍ່ເດືອນ ກໍລະນີທີ່ເປັນອົງກອນຂະໜາດໃຫຍ່ Microsoft ຈະເປີດໂອກາດໃຫ້ສາມາດເລືອກໃຊ້ບໍລິການຕາມຄວາມເໝາະສົມຂອງພະນັກງານແຕ່ລະຫນ່ວຍງານ ທີ່ມີຄວາມຈຳເປັນຕ້ອງໃຊ້ແອບຯແຕກຕ່າງກັນ ຊຶ່ງຈະເຮັດໃຫ້ຄ່າບໍລິການຍືດຫຍຸ່ນຕາມໄປ ດ້ວຍ ໂດຍເລີ່ມຕັ້ງແຕ່ 2 – 27 ຫລຽນຯຕໍ່ເດືອນ ສຳລັບໃຜທີ່ສົນໃຈສາມາດໄປເບິງລາຍລະອຽດເພິ່ມເຕິມ ຄິກເຂົ້າໄປເບິ່ງໄດ້ທີ່ www.office365.com