Gadget

iLoveHandles ສະເຫນີແກັດເຈັດເຮັດໃຫ້ iPod nano ເປັນໂມງໃສ່ແຂນ

ເລີ່ມຕົ້ນວັນຈັນມື້ເຮັດວຽກມື້ທຳອິດຂອງອາທິດ ທາງເວັບພວກເຮົາກໍ່ມີແກັດເຈັດງາມໆມາແນະນຳໃຫ້ເບິງກັນອີກແລ້ວ ແຕ່ຄັ້ງນີ້ເປັນແກັດເຈັດທີ່ໃຈເຮັດໃຫ້ iPod nano ລຸ້ນລ່າສຸດທີ່ຫາກໍ່ເປີດໂຕໄປບໍ່ຫລາຍອາທິດທີ່ຜ່ານມາ ໃຫ້ກາຍເປັນ ໂມງຢູ່ແຂນຂອງບັນດາຫນຸ່ມໆສາວ ໃຫ້ເກ໋ບໍ່ສ້ຳໃຜ.

ແກັດເຈັດໂຕນີ້ຊື່ວ່າ Rock Band ເຊິ່ງມັນເປັນແນວຄິດທີ່ລຽບງ່າຍແລະບໍ່ຫຍຸ້ງຍາກໃນການນຳໃຊ້. ລັກສະນະຂອງມັນເປັນພຽງສາຍໂມງທີ່ທຳມະດາ ທີ່ມີການເຮັດເປັນວັກໄວ້ສຳຫລັບໃສ່ iPod nano. ວິທີການກໍ່ແສນງ່າຍພຽງແຕ່ນຳ iPod nano ຂອງທ່ານໄປຫນີບໃສ່ບ່ອນວັກນັ້ນມັນກໍ່ຈະພໍດິບພໍດີ. ພຽງເທົ່ານີ້ໄວລຸ້ນຫນຸ່ມສາວທີ່ມີ iPod nano ກໍ່ສາມາດມີໂມງທີ່ເກ໋ໄປອີກແບບແລ້ວ. ສ່ວນລາຄາຂອງມັນຢູ່ທີ່ $19.95 ເທົ່ານັ້ນ ສົນໃຈກໍ່ໄປເບິງໄດ້ເລີຍທີ່ເວັບຂອງເພີ່ນ: ilovehandles.net

About the author

Souliyo

Webmaster, Web Designer, Blogger. CEO and Founder Of 856GROUP

ສະແດງຄວາມຄິດເຫັນ

10 − 6 =

*