Adobe ອຸດຊ່ອງໂຫວ່ຮ້າຍແຮງໃນ Reader
ລາຍງານຂ່າວລ່າສຸດ ອະໂດບີ້ (Adobe) ອຸດຊ່ອງໂຫວ່ຮ້າຍແຮງ 17 ແຫ່ງທີ່ພົບໃນຊອຟົຕ໌ແວລ໌ PDF Reader ແລະ Acrobat ຊຶ່ງຄອບຄຸມເວີລ໌ຊັນທີ່ເຮັດວຽກເທິງລະບົບປະຕິບັດການ Windows , Mac ແລະ Unix ທັງນີ້ເພື່ອປ້ອງກັນການໂຈມຕີໂດຍແຮກເກີລ໌ທີ່ບໍ່ຫວັງດີ
ສຳລັບອັບເດດຂອງຊອຟົຕ໌ແວລ໌ດັ່ງກ່າວຈະສົ່ງຜົນກະທົບກັບຜູ້ໃຊ້ Adobe Reader/Acrobat 9.3.2 (ແລະເວີລ໌ຊັນກ່ອນໜ້ານີ້) ນອກຈາກແກ້ໄຂບັນຫາລະບົບຮັກສາຄວາມປອດໄພທີ່ມີການເປີດເຜີຍອອກມາກ່ອນໜ້ານີ້ແລ້ວ ມັນຍັງມີການແກ້ໄຂການໂຈມຕີດ້ວຍເທກນິກ Social Engineering (PDF “/Launch”) ທີ່ແຮກເກີລ໌ສາມາດໃຊ້ປະໂຫຍດຈາກໄຟລ໌ PDF ໃນການໂຈມຕີໄດ້ແມ່ນຈະບໍ່ມີຊ່ອງໂຫວ່ ແລະບໍ່ຕ້ອງອາໄສຈາວາສະຄິບທ໌ອີກດ້ວຍ ຊຶ່ງກົນໄກການໂຈມຕີດ້ວຍວິທີນີ້ຖືກເປີດເຜີຍ ໂດຍນັກວິໄຈ Didier Stevens ທັງນີ້ພວກເຂົາໄດ້ສາທິດໃຫ້ກັບທາງອະໂດບີ້ໄດ້ເຫັນແລ້ວວ່າ ໄຟລ໌ PDF ທີ່ພວກເຂົາສ້າງຂຶ້ນສາມາດສັ່ງລັນໂຄ້ດທີ່ເຮັດວຽກໄດ້ແລະຝັງຢູ່ໃນໄຟລ໌ໂດຍບໍ່ຕ້ອງ ອາໄສຊ່ອງໂຫວ່ຂອງລະບົບຮັກສາຄວາມປອດໄພ
ໄຟລ໌ PDF ທີ່ຖືກແຮກເພື່ອໃຫ້ສາມາດເຮັດວຽກໄດ້ໃນລັກສະນະດັ່ງກ່າວ ເມື່ອໃຊ້ຮ່ວມກັບການຫລອກລໍ້ຜູ້ໃຊ້ດ້ວຍເທກນິກ Social Engineering ເພື່ອໃຫ້ຄິກຍອມຮັບການສັ່ງລັນຂອງໂຄ້ດທີ່ຝັງຢູ່ພາຍໃນ ພຽງສຳນີ້ຜູ້ບໍ່ຫວັງດີກໍສາມາດເຂົ້າໂຈມຕີລະບົບຂອງຜູ້ໃຊ້ໄດ້ແລ້ວ ຊຶ່ງທາງອະໂດບີ້ໄດ້ເພີ່ມຟັງກ໌ຊັນທີ່ຕຽມໂຕປ້ອງກັນ (block) ຄວາມພະຍາຍາມທີ່ຈະເປີດການເຮັດວຽກຫລືອອບເຈກຕ໌ (ໂຄ້ດໂປແກມ) ອັນຕະລາຍໄວ້ຕັ້ງແຕ່ເລີ່ມຕົ້ນ ພ້ອມທັງໄດ້ປຽນວິທີການເຮັດວຽກຂອງໄດອະລັອກບ໊ອກົຊ໌ແຈ້ງເຕືອນ ເພື່ອຂັດຂວາງການຫລອກລໍ້ຜູ້ໃຊ້ດ້ວຍເທກນິກ social engineering ສຳລັບເວີລ໌ຊັນອັບເດດຂອງ Adobe Acrobat ແລະ Reader ກໍຈະມີ 8.2.3 ແລະ 9.3.3 ແຕ່ທາງອະໂດບີ້ແນະນຳໃຫ້ໃຊ້ເວີລ໌ຊັນ 9.x ຈະດີກວ່າ ທ່ານຜູ້ອ່ານສາມາດເຂົ້າໄປດາວນ໌ໂຫລດໄດ້ທີ່ get.adobe.com/reader ຫລືເປີດໂປແກມ Reader ເລືອກເມນູ Help ຄິກ Check for Updates