(Youtube) ຢູທູບ ເພີ່ມບໍລິການ”ຕັດ ຕໍ່ວິດີໂອ”ເທິງເວັບ
ລາຍງານຂ່າວລ່າສຸດ ຢູທູບ (YouTube) ໄດ້ເພີ່ມຄຸນສົມບັດການເຮັດວຽກໃໝ່ໃຫ້ກັບສະມາຊິກເວັບໄຊຕ໌ຯ ດ້ວຍການໃຫ້ບໍລິການຕັດຕໍ່ວິດີໂອ (video editor) ຈາກໃນເວັບໄຊຕ໌ຢູທູບໄດ້ເລີຍ ຊຶ່ງມັນເປັນຄຸນສົມບັດການເຮັດວຽກງານທີ່ຜູ້ໃຊ້ລໍຖ້າມາຫລາຍປີແລ້ວ ການພັດທະນາຄຸນສົມບັດການເຮັດວຽກດັ່ງກ່າວຈຶ່ງຖືໄດ້ວ່າເປັນອີກກ້າວຂອງຜູ້ນຳໃນບໍລິການ ຕົວຈິງ
Rushabh Doshi ແລະ Josh Siegel ວິສະວະກອນ ແລະຜູ້ຈັດການຝ່າຍຜະລິດຕະພັນຂອງຢູທູບ ທັງສອງເປັນຜູ້ຢູ່ເບື້ອງຫລັງຄວາມສຳເລັດຂອງບໍລິການ video editor ໂດຍພວກພວກເຂົາເປີດເຜີຍກ່ຽວກັບບໍລິການໃໝ່ນີ້ວ່າ ໂປແກມຕັດຕໍ່ວິດີໂອເທິງຢູທູບພັດທະນາໂດຍໃຊ້ JavaScript ແມ່ນຈະມີຮູບແບບທີ່ລຽບງ່າຍ ແຕ່ມັນສາມາດໃຫ້ບໍລິການຕັດຕໍ່ວິດີໂອຂັ້ນພື້ນຖານໄດ້ເປັນຢ່າງດີ ຜູ້ໃຊ້ສາມາດຕັດແຍກສ່ວນຂອງວິດີໂອທີ່ເຈົ້າຕົວອັບໂຫລດຂຶ້ນໄປ ເພື່ອນຳມັນມາຈັດ ລຽງລຳດັບຕໍ່ກັນໃໝ່ ແລະສາມາດເລືອກເພງໃສ່ເຂົ້າໄປໃນວິດີໂອຈາກໄລບຼາລີ່ຂອງຢູທູບທີ່ມີຢູ່ 40,000 ກວ່າເພງທີ່ຜ່ານການກວດສອບແລ້ວໄດ້ອີກດ້ວຍ (ລະບົບຍັງບໍ່ເປີດໃຫ້ອັບໂຫລດໄຟລ໌ສຽງເຂົ້າໄປໄດ້ເອງ ແຕ່ກຳລັງຢູ່ໃນລະຫວ່າງການພັດທະນາໃຫ້ເຮັດໄດ້)
Siegel ກ່າວວ່າ ແກ່ນຂອງແນວຄິດທີ່ຢູ່ເບື້ອງຫລັງຂອງ video editor ກໍຄື ການເຮັດໃຫ້ຜູ້ໃຊ້ໄດ້ໃຊ້ຄຸນສົມບັດພື້ນຖານໃນການຕັດຕໍ່ທີ່ຈຳເປັນຜ່ານລະບົບ cloud computing ໂດຍມຸ້ງເນັ້ນໃຫ້ຜູ້ໃຊ້ສາມາດໃຊ້ງານໄດ້ຢ່າງສະດວກທີ່ສຸດແມ່ນຈະເປັນການເຮັດວຽກຈາກ ໃນບຼາວເຊີລ໌ກໍຕາມ ສ່ວນ Doshi ກໍໄດ້ໃຫ້ຄວາມເຫັນເພິ່ມເຕິມວ່າ ໂຄງການນີ້ຕ້ອງການຮັກສາອິນເຕີລ໌ເຟຊທີ່ລຽບງ່າຍ ແລະໃຫ້ມັນເບົາທີ່ສຸດ ເພື່ອໃຫ້ລະບົບການເຮັດວຽກທັງໝົດໄປຢູ່ທີ່ກະບວນການປະມວນຜົນວິດີໂອ ຊຶ່ງເຮັດວຽກຢູ່ເທິງລະບົບໂຄງສ້າງພື້ນຖານຂອງກູເກີ້ນ ແລະດ້ວຍຄວາມທີ່ມັນເປັນລະບົບທີ່ໃຊ້ງານງ່າຍ ເຮັດໃຫ້ມັນສາມາດລັນເທິງຄອມພິວເຕີລະດັບກາງທີ່ມີພະລັງປະມວນຜົນບໍ່ສູງປານໃດໄດ້ ລວມເຖິງການແກ້ໄຂຄິບວິດີໂອໄຮເດຟຯສັ້ນໆ ເນື່ອງຈາກການປະມວນຜົນສ່ວນໃຫຍ່ຈະເຮັດເທິງລະບົບ cloud ຂອງກູເກີ້ນ ບໍ່ໄດ້ຢູ່ເທິງເຄື່ອງຂໍຜູ້ໃຊ້ ຊຶ່ງແຕກຕ່າງຈາກຊອຟົຕ໌ແວລ໌ຕັດຕໍ່ໄຮເອັນດ໌ທີ່ອາໄສພະລັງປະມວນຜົນຈາກ ຄອມພິວເຕີຂອງຜູ້ໃຊ້ເປັນຫລັກ ນອກຈາກຄວາມສາມາດໃນການຕັດຕໍ່ແລະໃສ່ສຽງຈາກໄລບຼາລີຂອງຢູທູບເຂົ້າໄປໄດ້ແລ້ວ ທັງຄູ່ຍັງມີຕຽມທີ່ຈະເພີ່ມຄຸນສົມບັດການເຮັດວຽກໃໝ່ໆ ເຂົ້າໄປດ້ວຍຢ່າງເຊັ່ນ ຊານສິຊັ່ນ (ຮູບແບບການປ່ຽນຜ່ານໃນແຕ່ລະຄິບຍ່ອຍທີ່ຕັດ) ເອຟເຟກຕ໌ ໄຕເຕີ້ນ ແລະການແຍກແຊກສຽງໃນການຕັດຕໍ່ດ້ວຍ ສຳລັບທ່ານຜູ້ອ່ານທີ່ສົນໃຈສາມາດເຂົ້າໄປ ທົດລອງໃຊ້ງານໄດ້ທີ່ http://www.youtube.com/editor
ທີ່ມາ: mashable, Arip.co.th