ໂປເຈັກເຕີລ໌ຈິ໋ວແຕ່ ແຈ໋ວຈາກ Samsung
ໃນທີ່ສຸດ ຊຳຊຸງ (Samsung) ກໍຕັດສິນໃຈກະໂດດເຂົ້າມາເຮັດຕະຫລາດເຄື່ອງສາຍໂປເຈັກເຕີລ໌ຂະໜາດນ້ອຍ (pico projector) ຊຶ່ງຫາກເບິງຜ່ານໆອາດຈະເຂົ້າໃຈໄປວ່າ Samsung SP-H03 ເປັນກ້ອງໂພລາລອຍດ໌ ດ້ວຍຂະໜາດແລະດີໄຊນ໌ທີ່ນ້ອຍຫລາຍຂອງມັນ ແຕ່ປະສິດທິພາບບໍ່ທຳມະດາເລີຍ
ໂປເຈັກເຕີລ໌ Samsung SP-H03 ຈະມາພ້ອມກັບຫນ່ວຍຄວາມຈຳພາຍໃນ 1GB (ເພີ່ມໄດ້ສູງສຸດ 16GB ໃນຊ່ອງກາດໜ່ວຍຄວາມຈຳ microSD ທີ່ຢູ່ດ້ານຂ້າງ) ຄວາມສະຫວ່າງຂອງເຄື່ອງສາຍຢູ່ທີ່ 30 ລູເມນສ໌ ໜ້າຈໍຄວາມລະອຽດ WVGA (854×480) ພ້ອມລຳໂພງ 1 ວັດຕ໌ ຈຸດເດັ່ນຂອງ SP-H03 ນອກຈາກເລື່ອງຂອງຂະໜາດ ແລະຄວາມສະຫວ່າງແລ້ວ ມັນຍັງສະໜັບສະໜູນການເປີດໄຟລ໌ວິດີໂອທີ່ເຂົ້າລະຫັດດ້ວຍ codec ທີ່ຫລາກຫລາຍອີກດ້ວຍ ນັ້ນໝາຍຄວາມວ່າ ທ່ານສາມາດຫລິ້ນໄຟລ໌ວິດີໂອ AVI, MP4, ASF, MPG, RM, FLV ແລະ WMV ໃນຂະນະທີ່ໄຟລ໌ສຽງກໍຈະມີ MP3, MP2, WAV, WMA, FLAC, APE ແລະ RA
LED ຂອງ SP-H03 ຈະມີອາຍຸໃຊ້ງານໄດ້ດົນ 30,000 ຊົມ. ສ່ວນແບດຯໃນເຄື່ອງສາມາດຫລິ້ນໄດ້ດົນຕໍ່ເນື່ອງ 2 ຊົມ. ຕໍ່ການຊາກຈະໜຶ່ງເທື່ອ ນ້ຳໜັກເຄື່ອງພຽງແຕ່ 6 ອອນຊ໌ ດ້ວຍຂະໜາດເຄື່ອງທີ່ຖືໄວ້ໃນອຸ້ງມືໄດ້ຢ່າງສະບາຍໆ ນອກຈາກການໃຊ້ງານເພື່ອຄວາມບັນເທີງແລ້ວ ສຳລັບທຸລະກິດ ຫລືການສຶກສາ ຊຳຊຸງໄດ້ພັດທະນາໂປແກມວິວເວີລ໌ໄຟລ໌ເອກະສານໄວ້ດ້ວຍ ເຮັດໃຫ້ເຮົາສາມາດສາຍເອກະສານຂຶ້ນຈໍໄດ້ໂດຍບໍ່ຕ້ອງຕໍ່ພີຊີ ຊຶ່ງໄຟລ໌ເອກະສານທີ່ຮອງ ຮັບການໃຊ້ງານກໍໄດ້ແກ່ Microsoft Office Suite (PowerPoint, Excel, Word) ແລະ Adobe PDF ສຳລັບພາບທີ່ສາຍອອກມາຈະສາມາດຂະຫຍາຍໃຫຍ່ໄດ້ສູງສຸດເຖິງ 80 ນິ້ວ ສ່ວນລາຄາຢູ່ທີ່ 299 ຫລຽນຯ
credit: ecoustics, Arip.co.th