Wireless, WI-FI, ເເລະ Wi-Max ເເມ່ນຫຍັງ?
WIFI ຫລື Wireless ໝາຍເຖິງ ເຄືອຂ່າຍໄຮ້ສາຍ ມັກໃຊ້ກັບລະບົບເຄືອຂ່າຍ ບໍ່ວ່າຈະເປັນໃນອົງກອນ ຫລື ໃນລະບົບເຄືອຂ່າຍອິນເຕີເນັດ
ລະບົບເຄືອຂ່າຍໄຮ້ສາຍ (Wireless LAN : WLAN) ໝາຍເຖິງ ເທກໂນໂລຍີທີ່ຊ່ວຍໃຫ້ການຕິດຕໍ່ສື່ສານລະຫວ່າງເຄື່ອງຄອມພິວເຕີ 2 ເຄື່ອງ ຫລື ກຸ່ມຂອງເຄື່ອງຄອມພິວເຕີ ສາມາດສື່ສານກັນໄດ້ ຮ່ວມເຖິງການຕິດຕໍ່ສື່ສານລະຫວ່າງເຄື່ອງຄອມພິວເຕີກັບ ອຸປະກອນ ເຄືອຂ່າຍຄອມພິວເຕີດ້ວຍເຊັ່ນກັນ ໂດຍປາດສະຈາກການໃຊ້ສາຍສັນຍານໃນການເຊື່ອມຕໍ່ ແຕ່ຈະໃຊ້ຄື້ນວິທະຍຸເປັນຊ່ອງທາງການສື່ສານແທນ ການຮັບສົ່ງຂໍ້ມູນລະຫວ່າງກັນຈະຜ່ານອາກາດ ເຮັດໃຫ້ບໍ່ຕ້ອງເດີນສາຍສັນຍານ ແລະຕິດຕັ້ງໃຊ້ງານໄດ້ສະດວກຂຶ້ນ
ລະບົບເຄືອຂ່າຍໄຮ້ສາຍໃຊ້ແມ່ເຫລັກໄຟຟ້າຜ່ານອາກາດ ເພື່ອຮັບສົ່ງຂໍ້ມູນຂ່າວສານລະຫວ່າງເຄື່ອງຄອມພິວເຕີ ແລະ ລະຫວ່າງເຄື່ອງຄອມພິວເຕີກັບອຸປະກອນເຄືອຂ່າຍ ໂດຍຄື້ນແມ່ເຫລັກໄຟຟ້ານີ້ອາດເປັນຄື້ນວິທະຍຸ (Radio) ຫລືອິນຟາເລດ (Infrared) ກໍໄດ້
ການສື່ສານຜ່ານເຄືອຂ່າຍໄຮ້ສາຍມີມາດຕາຖານ IEEE802.11 ເປັນມາດຕາຖານກຳນົດຮູບແບບການສື່ສານ ຊຶ່ງມາດຕາຖານແຕ່ລະຕົວຈະບອກເຖິງຄວາມໄວແລະຄື້ນຄວາມຖີ່ ສັນຍານທີ່ແຕກຕ່າງກັນໃນການສື່ສານຂໍ້ມູນ ເຊັ່ນ 802.11b ແລະ 802.11g ທີ່ຄວາມໄວ 11 Mbps ແລະ 54 Mbps ຕາມລຳດັບ ສາມາດສຶກສາລາຍລະອຽດເພິ່ມເຕິມສຶກສາໄດ້ຈາກ ມາດຕາຖານ IEEE802.11 ແລະຂອບເຂດຂອງສັນຍານຄອບຄຸນພື້ນທີ່ປະມານ 100 ແມັດ ໃນພື້ນທີ່ໂລ່ງ ແລະປະມານ 30 ແມັດ ໃນອາຄານ ຊຶ່ງລະຍະທາງຂອງສັນຍານມີຜົນກະທົບຈາກສິ່ງຮອບຂ້າງຫລາຍໆ ຢ່າງ ເຊັ່ນ ໂທະລະສັບມືຖື ຄວາມໜາຂອງກຳແພງ ເຄື່ອງໃຊ້ໄຟຟ້າ ອຸປະກອນອິເລັກໂຕນິກຕ່າງໆ ລວມເຖິງຮ່າງກາຍມະນຸດດ້ວຍເຊັ່ນກັນ ສິ່ງເລົ່ານີ້ມີຜົນກະທົບຕໍ່ການໃຊ້ງານເຄືອຂ່າຍໄຮ້ສາຍທັ້ງສິ້ນ
ການເຊື່ອມຕໍ່ເຄືອຂ່າຍໄຮ້ສາຍມີ 2 ຮູບແບບ ຄືແບບ Ad-Hoc ແລະ Infrastructure ລາຍລະອຽດເພິ່ມເຕິມສຶກສາໄດ້ຈາກ ຮູບແບບເຄືອຂ່າຍໄຮ້ສາຍ ການໃຊ້ງານເຄືອຂ່າຍໄຮ້ສາຍຂອງຜູ້ໃຊ້ບໍລິການທົ່ວໄປຈະເປັນແບບ Infrastructure ຄືມີອຸປະກອນກະຈາຍສັນຍານ (Access Point) ຂອງຜູ້ໃຫ້ບໍລິການເປັນຜູ້ຕິດຕັ້ງແລະກະຈາຍສັນຍານ ໃຫ້ຜູ້ໃຊ້ເຮັດການເຊື່ອມຕໍ່ ໂດຍຜູ້ໃຊ້ບໍລິການຈະຕ້ອງມີອຸປະກອນຮັບສົ່ງສັນຍານ ເປັນອຸປະກອນຮັບສົ່ງສັນຍານ ເຮັດຫນ້າທີ່ຮັບສົ່ງສັນຍານຈາກເຄື່ອງຄອມພິວເຕີຜູ້ໃຊ້ໄປ Access Point ຂອງຜູ້ໃຫ້ບໍລິການ
ສະຫລຸບການເຊື່ອມຕໍ່ເຄືອຂ່າຍໄຮ້ສາຍເປັນການເຊື່ອມຕໍ່ເຄຶອຂ່າຍຂອງເຄື່ອງຄອມພິວເຕີເຂົ້າສູ່ລະບົບເຄືອຂ່າຍ ຄືກັບລະບົບແລນ (LAN) ມີສາຍປົກກະຕິ ແຕກຕ່າງທີ່ອຸປະກອນທາງໃນການເຊື່ອມຕໍ່ເຄືອຂ່າຍໂດຍບໍ່ຕ້ອງໃຊ້ສາຍສັນຍານແຕ່ຢ່າງໃດ ໂດຍການໃຊ້ງານເຄືອຂ່າຍໄຮ້ສາຍສາມາດໃຊ້ບໍລິການຕ່າງໆ ເທິງເຄືອຂ່າຍອິນເຕີເນັດໄດ້ຄືກັບເຄືອຂ່າຍມີສາຍໄດ້ປົກກະຕິ ເວັ້ນແຕ່ວ່າຜູ້ເບິ່ງແຍງລະບົບເຄືອຂ່າຍນັ້ນໆ ຈະປິດບໍລິການບາງບໍລິການເພື່ອຄວາມປອດໄພຂອງເຄືອຂ່າຍໄດ້ເຊັ່ນກັນ ຊຶ່ງການເຊື່ອມຕໍ່ເຄືອຂ່າຍໄຮ້ສາຍຊ່ວຍໃຫ້ການເຊື່ອມຕໍ່ ງ່າຍຂຶ້ນ ປະຫຍັດຄ່າສາຍສັນຍານ ແລະໃຊ້ງານໄດ້ທຸກທີ່ທີ່ສັນຍານເຄືອຂ່າຍໄຮ້ສາຍໄປເຖິງ
WIFI ເເມ່ນຫຍັງ
Wi-Fi ກໍຄືອົງກອນໜຶ່ງ ທີ່ທົດສອບຜະລິດຕະພັນ Wireless Lan ຫລື ລະບົບ Network ແບບໄຮ້ສາຍ ພາຍໃຕ້ເທກໂນໂລຍີການສື່ສານ ພາຍໃຕ້ມາດຕາຖານ IEEE 802.11 ວ່າອຸປະກອນທຸກຕົວຊຶ່ງຕ່າງຍີ່ຫໍ້ກັນນັ້ນມັນສາມາດຕິດຕໍ່ສື່ສານກັນໄດ້ໂດຍບໍ່ມີບັນຫາ ຫາກວ່າອຸປະກອນຕົວນັ້ນມັນຜ່ານຕາມມາດຕາຖານພວກເຂົາກໍຈະປ້ຳ ກາ Wi-Fi certified ຊຶ່ງເປັນອັນຮູ້ກັນວ່າອຸປະກອນໂຕນັ້ນສາມາດຕິດຕໍ່ສື່ສານກັບອຸປະກອນຕົວອື່ນທີ່ມີກາ Wi-Fi certified ນີ້ໄດ້ເຊັ່ນກັນ ແຕ່ເຮັດໄປເຮັດມາມັນກາຍເປັນຄຳສັບສຳລັບ ອຸປະກອນ Lan ໄຮ້ສາຍໄປເລີຍ ຈົນບາງຄົນກໍຮຽກກັນຕິດປາກ
ສະຫລຸບ Wireless ເປັນຄຳກວ້າງໆ ທີ່ບົ່ງບອກວ່າ ບໍ່ໄດ້ໃຊ້ສາຍໃນການເຊື່ອມຕໍ່ ດັ່ງນັ້ນເເມ່ນຫຍັງທີ່ບໍ່ໄດ້ໃຊ້ສາຍ ກໍເອີ້ນວ່າ ໄວລ໌ເລດໄດ້ໝົດ
ສ່ວນ WI-FI ເປັນຊື່ທາງການຄ້າຂອງ IEEE802.11 ຊຶ່ງກຳນົດໂປໂຕກຣໍແບບໄຮ້ສາຍຊະນິດຫນຶ່ງ
ທີ່ເປັນທີ່ນິຍົມໃຊ້ໃນການເຊື່ອມຕໍ່ໄຮ້ສາຍລະຫວ່າງອຸປະກອນຄອມພິວເຕີ
wireless ຄືລັກສະນະຂອງການໃຊ້ງານອຸປະກອນດ້ານສື່ສານໂທລະຄົມມະນາຄົມ ແປໂດຍກົງກໍ່ໄຮ້ສາຍ ສະນັ້ນອຸປະກອນຫຍັງກໍຕາມທີ່ຕິດຕໍ່ສື່ສານກັນໂດຍບໍ່ໃຊ້ ສາຍສັນຍານ ຖືວ່າ ອຸປະກອນນັ້ນເປັນ wireless ຄືກັນ
ເພາະສະນັ້ນ ຈະເອີ້ນຫຍັງ ກໍຄ້າຍໆກັນ ບໍ່ຜິດ Wirelessກໍຖືກ (ເພາະມັນກວ້າງຫລາຍ) Wi-Fi ກໍຖູືກ
Wi-Max ເເມ່ນຫຍັງ ດີເເນວໃດ
WiMAX ຄືການອອກແບບໂຄງສ້າງແລະອຸປະກອນສື່ສານແບບໄຮ້ສາຍທີ່ ໄດ້ຖືກພັດທະນາມາຈາກ Wireless LAN ຫລື Wi-Fi ຜົນດີີຄື ລະຍະທຳການທີ່ຄວບຄຸມຫລາຍກວ່າເຄືອຂ່າຍແບບ Wireless LAN ຫລາຍເທົ່າ ແຖມຍັງໄດ້ຄວາມໄວໃນການໃຫ້ບໍລິການສູງທຽບເທົ່າກັນ ຈຶ່ງເຮັດໃຫ້ ສາມາດເຊື່ອມຕໍ່ລະຫວ່າງຕຶກຕ່າງໆ ໄດ້ງ່າຍບໍ່ມີຂໍ້ຈຳກັດໃນເລື່ອງຂອງພູມິປະເທດອີກຕໍ່ໄປ
ປະໂຫຍດຂອງ WiMAX ກັບຊີວິດປະຈຳວັນ
ຈະເຫັນໄດ້ວ່າ WiMAX ມີຈຸດເດັ່ນຄືລະຍະທາງທີ່ໄກ ຄວາມໄວທີ່ສູງ ແລະບໍ່ຈຳເປັນຕ້ອງໃຊ້ສາຍສົ່ງສັນຍານ ແຖມ WiMAX ຍັງມີການ ເຂົ້າລະຫັດຂໍ້ມູນທີ່ປອດໄພສູງອີກດ້ວຍ WiMAX ຈະເຮັດໃຫ້ການຕິດຕັ້ງ internet ໃນສະຖານທີ່ຕ່າງໆ ເຮັດໄດ້ງ່າຍ ເລື່ອງຊຸມສາຍ (ຈຳກັດ) ຈະໝົດໄປ ບໍລິການອື່ນໆ ກໍຈະຫລວງຫລາຍຫລາກຫລາກ ດ້ວຍເຊັ່ນດຽວກັນ ເນື່ອງຈາກ ລະຍະທີ່ໄກ ເປັນເທົ່າຕົວ ແຖມຍັງມີຄວາມໄວ ສູງອີກດ້ວຍ ບໍ່ມີຂໍ້ຈຳກັດດ້ານພູມິປະເທດແລະບໍ່ຕ້ອງອາໄສສາຍສົ່ງສັນຍາ ນອີກດ້ວຍ ເໝາະສຳລັບອຸປະກອນແບບພົກພາໃນການເດິນທາງ ຊ່ວຍໃຫ້ ຜູ້ໃຊ້ງານສາມາດສື່ສານໄດ້ໂດຍໃຫ້ຄຸນນະພາບໃນການສື່ສານທີ່ດີ ແລະມີສະຖຽນລະພາບຂະນະໃຊ້ງານ ແມ້ຈະມີການເຄື່ອນທີ່ຢູ່ຕະຫລອດເວລາກໍຕາມ (ມີNotebook ນັ່ງຫລິ້ນໃນລົດກໍ່ໄດ້)
ຈຸດອ່ອນຂອງລະບົບ WiMAX
ຄວາມໃໝ່ຂອງມາດຕະຖານລະບົບ WiMAX ເນື່ອງຈາກຫາກໍ່ມີ ການຄິດຄົ້ນແລະເລີ່ມມາພັດທະນາຢ່າງຈິງຈັງບໍ່ເທົ່າປີ ດັ່ງນັ້ນຍັງມີການປ່ຽນແປງໃນເລື່ອງຂອງມາດຕະຖານລວມໄປເຖິງຜູ້ຜະລິດທີ່ນຳເອົາມາດຕະຖານ WiMAX ໄປພັດທະນາຕໍ່ເປັນອຸປະກອນສຳລັບໃຊ້ງານຈິງກໍມີຈຳນວນນ້ອຍ ອຸປະກອນກໍຍັງບໍ່ຫລາຍ ຕ້ອງອາໄສເວລາຈັກຫນ້ອຍກ່ອນໄດ້ຮັບຄວາມນິຍົມ ລວມໄປເຖິງລາຄາອຸປະກອນ WiMAX ທີ່ຄ່ອນຄ້າງສູງຂະນະນີ້ ຄວາມຖີ່ຂອງການໃຫ້ບໍລິການ ຕາມມາດຕະຖານຂອງ WiMAX ຈະໃຊ້ຄວາມຖີ່ຊ່ວງ 2-6GHz (802.16e) ແລະ 11GHz (802.16d) ຊຶ່ງໃນບາງປະເທດຈະເປັນຊ່ວງຄວາມຖີ່ທີ່ມີການຄວບຄຸມ ຕ້ອງມີການຂໍອະນຸຍາດກ່ອນໃຫ້ບໍລິການ ແລະໃນບາງປະເທດ ບໍ່ມີຂໍ້ກຳນົດນີ້ ດັ່ງນັ້ນຜູ້ທີ່ຈະລົງທຸນວາງລະບົບ WiMAX ຕ້ອງສຶກສາຂໍ້ມູນໃຫ້ລະອຽດເສຍກ່ອນ
ນີ້ ຄືເຫດຜົນທີ່Wi-Max ດີຈັງໃດ ໄວ,ໄກບໍ່ຕ້ອງຄຳນຶງເຖິງຊຸມສາຍຮັບ ແຕ່ກໍມີຄູ່ແຂ່ງ ເຊັ່ນ UMTS / WCDMA ທີ່ຫລາຍໆທ່ານຄົງຮູ້ຈັກກັນ ໂດຍ 2ຄູ່ແຂ່ງນີ້ເນັ້ນການສົ່ງຂໍ້ມູນໂດຍຈະໄດ້ຄວາມໄວຕັ້ງແຕ່ 2Mbps ຈົນເຖິງ 10Mbps ຫລາຍກວ່າເນັ້ນລະຍະທາງຫລືຄວາມສະດວກໃນການໃຊ້ງານ ແລະ ສາມາດໃຊ້ກັບມືຖືບາງຕົວໄດ້ອີກດ້ວຍ ເປັນຄູ່ເເຂ່ງທີ່ຫນ້າຢ້ານຫລາຍ (ຖ້າWi-max ເສົານຶງສາມາດສົ່ງໄດ້ ຕັ້ງແຕ່ 5-48ກິໂລແມັດ (ເປັນແຕ່ເສົາສົ່ງ ບໍ່ມີຊຸມສາຍ ບໍ່ມີຫຍັງທັງນັ້ນ) ແຕ່ ຕົວຮັບນັ້ນ ໄດ້ແຕ່ 5 ກມ. (ລະຍະທາງລະຫວ່າງເສົາໄດ້ 48 ກົມ.ເສົານຶງຕັ້ງຫ່າງໄດ້48ກົມ. ໂດຍສັນຍານທີ່ສົ່ງໄປຍັງເສົາຈະບໍ່ຂາດຫາຍ )
ສະຫລຸບ?
wireless ຄື Wi-Fi ແຕ່ໃນວົງກວ້າງກວ່າ WI-FI ຄືການເຊື່ອມຕໍ່ແບບໄຮ້ສາຍແລ້ວກັບຄອມພິວເຕີ
Wi-max ສົ່ງສັນຍານະໄດ້ໄກ ຮັບການໃຊ້ງານໄດ້ຫລາຍໆ ແລະໄວ ກວ່າເກົ່າ (ແຕ່ຄົງບໍ່ຫລາຍກວ່າ Wi-Fi ເທົ່າໃດ)
UMTS / WCDMA (ພ່ວງມາ) ເນັ້ນການຮັບສົ່ງຂໍ້ມູນ ຄວາມໄວສູງ
Credit:comnetsite.com