ແມັກບຸ໊ກໃໝ່ໄວກວ່າເກົ່າ ເເບັດຯໃຊ້ດົນ 10 ຊົວໂມງ
ລ່າສຸດໄດ້ມີການເປີດຕົວແມັກບຸ໊ກລຸ້ນໃຫມ່ ອອກເປັນທາງການຮຽບຮ້ອຍແລ້ວ ຊຶ່ງກໍຢືນຢັນຂໍ້ຄວາມທີ່ໄດ້ມີການຫລຸດອອກມາ ໂດຍສະເພາະເລື່ອງຂອງລາຄາທີ່ 999 ຫລຽນຯ. ມື້ວານນີ້ທາງແອບເປີ້ນ (Apple) ໄດ້ອອກມາປະກາດຢ່າງເປັນທາງການແລ້ວ ສຳລັບ MacBook ລຸ້ນໃໝ່ທີ່ເຈາະກຸ່ມຜູ້ໃຊ້ເລີ່ມຕົ້ນ ໂດຍຕົວເຄື່ອງເປັນສີຂາວເຮັດດ້ວຍ Polycarbonate ພາຍໃນໃຊ້ໂພເຊດເຊີລ໌ Intel Core 2 Duo ຄວາມໄວ 2.4GHz ຊິບກາຟິກເປັນ NVIDIA GeForce 320M ແລະແບດເຕີລີ່ໃຊ້ງານໄດ້ດົນ 10 ຊມ. ຊຶ່ງລຸ້ນກ່ອນໜ້ານີ້ຈະໃຊ້ຊີພີຍູເປັນ Intel Core 2 Duo ເຊັ່ນດຽວກັນແຕ່ຄວາມໄວ 2.26GHz ແລະໃຊ້ NVIDIA GeForce 9400M ແບດຯດົນ 7 ຊມ.
ສ່ວນຄຸນສົມບັດອື່ນໆ ຂອງເຄື່ອງກໍຈະມີ ຫນ່ວຍຄວາມຈຳ DDR3 2GB (ອັບເກດເປັນ 4GB) ຮາລ໌ດດິດ 250GB ແລະ ດີວິດີລອມໄດຟ໌ 8x (SuperDrive) ຊຶ່ງ MacBook ລຸ້ນໃໝ່ນີ້ເປັນການອັບເກດສະເປັກຂຶ້ນມາທຽບເທົ່າກັບ MacBook Pro 13 ນິ້ວສຳລັບຜູ້ເລີ່ມຕົ້ນ ຢ່າງໃດກໍຕາມ MacBook ລຸ້ນໃໝ່ຍັງຄົງຂາດຄຸນສົມບັດທີ່ພົບໃນລຸ້ນ Pro ຫລວງຫລາຍ ບໍ່ວ່າຈະເປັນຕົວຖັງອະລູມິນຽມ ແບກໄລທ໌ເທິງຄີຍ໌ບອລ໌ດ ສະລັອດໃສ່ກາດໜ່ວຍຄວາມຈຳ SD ແລະພອລ໌ດ Firewire 800 ແຕ່ໃນຂະນະທີ່ແມັກບຸ໊ກຫລຸ່ນໃໝ່ຈະມີຄຸນສົມບັດການເຮັດວຽກທຽບເທົ່າ MacBook Pro ລຸ້ນ Entry Level ລາຄາຂອງມັນພຽງເເຕ່ 999 ຫລຽນຯ ເທົ່ານັ້ນ
credit:arip.co.th