HP Slate ບໍ່ເເມ່ນຄູ່ເເຂ່ງຂອງ iPad ເເຕ່ເປັນ Netbook

21/04/2010 ຂ່າວໄອທີ

ຫລັງຈາກທີ່ມີຂ່າວການເພີ່ມ Strake ແທັບເລັດ (Tablet) ຂອງDell ອີກສອງລຸ້ນ ລ່າສຸດມີລາຍງານຂ່າວຈາກເວັບໄຊຕ໌ໃນແຄນາດາຊື່ວ່າ Conecti.ca ອ້າງວ່າໄດ້ມີໂອກາດສໍາຜັດ HP Slate ພ້ອມທັງມີພາບຖ່າຍ ແລະບົດຄວາມລີວິວອອກມາແລ້ວໂດຍທາງເວັບໄຊ໌ເຫັນວ່າ ມັນບໍ່ໜ້າຈະເປັນຄູ່ແຂ່ງຂອງ iPad ແຕ່ໜ້າຈະເປັນຄູ່ແຂ່ງຂອງເນັດບຸ໊ກຫລາຍກວ່າ.

ລາຍລະອຽດໃໝ່ລ່າສຸດກ່ຽວກັບແທັບເລັດ HP Slate ຫລັງຈາກທີ່ຖືກເບິງວ່າ ມັນເປັນຄູ່ຊົກ iPad ໂດຍກົງດ້ວຍຄຸນສົມບັດຂອງຕົວເຄື່ອງທີ່ປະກອບດ້ວຍໜ້າຈໍສໍາຜັດຂະໜາດ 8.9 ນິ້ວ ພາຍໃນໃຊ້ໂພເຊດເຊີລ໌ Atom Z530 ເຮັດວຽກດ້ວຍລະບົບປະຕິບັດການ Windows 7 ມາພ້ອມກັບຫນ່ວຍຄວາມຈຳສອງຂະໜາດໃຫ້ເລືອກຄື 32GB ແລະ 64GB ແຖມຍັງມີໂມດູນໄຮ້ສາຍWi-Fi ແລະ Bluetooth ສ່ວນ 3G ເປັນອອບຊັນ ແລະມີກ້ອງ 2 ຕົວ

ຂໍ້ມູນຈາກເວັບໄຊຕ໌ Conecti.ca ອ້າງວ່າ ທີມງານໄດ້ມີໂອກາດສໍາຜັດເຄື່ອງຕົ້ນແບບຂອງ HP Slate ພ້ອມທັງບັນທຶກພາບແລະລີວິວຄວາມປະທັບໃຈຈາກການທີ່ໄດ້ທົດລອງໃຊ້ອີກດ້ວຍ ໂດຍຂໍ້ສະຫລຸບສັ້ນ ໆ ທີ່ໄດ້ກໍຄື HP Slate ເປັນແທັບເລັດທີ່ດີຫລາຍ ແຕ່ມັນບໍ່ມີຫຍັງທີ່ມະຫັດສະຈັນ ໃນຂະນະດຽວກັນ ມັນບໍ່ແມ່ນຄູ່ແຂ່ງຂອງ iPad ແຕ່ຈາກຄຸນສົມບັດໃນການໃຊ້ງານແລະປະສິດທິພາບຂອງຕົວເຄື່ອງ ມັນໜ້າຈະເປັນທາງເລືອກສໍາລັບຜູ້ໃຊ້ເນັດບຸ໊ກຫລາຍກວ່າແຕ່ກ່ອນທີ່ທ່ານຈະຕັດສິນໃຈເລືອກ iPad ຈຸດທີ່ HP Slate ເໜືອກວ່າ ຈົນເຈົ້າບໍ່ອາດປະຕິເສດໄດ້ກໍຄື ການມີພອດເຊື່ອມຕໍ່ໃຫ້

ຫລວງຫລາຍ ສະໜັບສະໜູນFlash ແລະການມີກ້ອງເຖິງ 2 ຕົວ ອີກທັງລາຄາຂອງເຄື່ອງຍັງໜ້າສົນໃຈອີກດ້ວຍ ໂດຍ HP Slateຂະໜາດ 32GB ຈະມີລາຄາຢູ່ທີ່ $549 ສ່ວນລຸ້ນ 64GB ຈະຢູ່ທີ່ $599 ຢ່າງໃດກໍຕາມ ຍັງບໍ່ມີການເປີດເຜີຍຂໍ້ມູນທີ່ຊັດເຈນວ່າHP Slate ຈະເລີ່ມວາງຈຳໜ່າຍຕອນໃດ