Google ຕຽມປ່ອຍເເທັບເລັດ
ມີລາຍງານລະບຸວ່າ ກູເກີ້ນ (Google) ພ້ອມວາງຕະຫລາດແທັບເລັດ (tablet) ຂອງຕົວເອງໃນໄວໆນີ້ແລ້ວໂດຍແຫລ່ງຂ່າວວົງໃນທີ່ໄດ້ມີໂອກາດໂອ້ລົມກັບອີລິກສມິດທ໌ (Eric Schmidt) ຊີອີໂອຂອງກູເກີ້ນອະທິບາຍວ່າ ແທັບເລັດທີ່ອອກມາຈະເປັນເຄື່ອງອ່ານອີບຸ໊ກ(e-reader) ທີ່ມາພ້ອມກັບຟັງກ໌ຊັນຂອງຄອມພິວເຕີ.
ແນ່ນອນວ່າ ແທັບເລັດດັ່ງກ່າວຈະເຮັດວຽກດ້ວຍລະບົບປະຕິບັດການແອນດລອຍດ໌ (Android) ຊຶ່ງແຫລ່ງຂ່າວທີບໍ່ຍອມໃຫ້ເປີດເຜີຍຊື່ຍັງກ່າວອີກວ່າ ກູເກີ້ນໄດ້ມີການເຈລະຈາກັບສໍານັກພິມຕ່າງໆ ໃນການທີ່ຈະນໍາຫນັງສື ແລະນິດຕະຍາສານເຂົ້າໄປໃນອຸປະກອນແລ້ວດ້ວຍຢ່າງໃດກໍຕາມ ປະຕິເສດບໍ່ໄດ້ວ່າ Chrome OS ຍັງຢູ່ໃນລະຍະເລີ່ມຕົ້ນ ແລະບໍ່ມີພາບຂອງໂອເອສ(OS)ທີ່ຊັດເຈນທັງເນັດບຸ໊ກ ຫລືແມ່ນແຕ່ແທັບເລັດທີ່ຈະອອກມາ ຊຶ່ງຫາກປຽບທຽບກັບໄອແພດ (iPad) ຫລືແທັບເລັດທີ່ໃຊ້ Windows 7 ແລ້ວ ອາດຈະຍັງເປັນຮອງຢູ່ພໍສົມຄວນທັງໃນເລື່ອງຂອງຈໍານວນຊອຟ໌ແວລ໌ ແລະດີໄຊນ໌ຕະຫລອດຈົນການຍອມຮັບຂອງຕະຫລາດຜູ້ໃຊ້ໃນວົງກວ້າງ.
ແຕ່ຫາກເວົ້າເຖິງແທັບເລັດທີ່ພໍຈະທ້າຊົນກັບໄອແພດໃນເລື່ອງຂອງຟັງຊັນການໃຊ້ງານແລ້ວ ກູເກີ້ນຖືວ່າເປັນຄູ່ຊົກທີ່ໜ້າຢ້ານທີ່ສຸດໂດຍສະເພາະຂໍ້ໄດ້ປຽບຈາກບໍລິການຕ່າງໆ ຂອງກູເກີ້ນ ເນື່ອງຈາກມື້ນີ້ແອບເປີ້ນຍັງບໍ່ໄດ້ເຂົ້າໄປໃນສະຫມໍລະພູມ Cloud computing ເຮັດໃຫ້ການເຂົ້າເຖິງຂໍ້ມູນເທິງໄອແພດສ່ວນໃຫຍ່ຍັງຕ້ອງເຮັດຜ່ານສາຍຍູເອສບີ(USB) ອີກທັງແອນດລອຍ໌ຍັງມາພ້ອມກັບ Android Marketplace ຊຶ່ງໄລ່ຕາມiTunes App Store ແມ່ນຈະມີຈໍານວນແອບພິເຄຊັນທີ່ຕ່າງກັນຫລາຍ ແຕ່ມັນກໍເປັນທີ່ສອງຮອງຈາກແອບເປີ້ນ.
ນອກຈາກນີ້ ກູເກີ້ນຍັງມີບໍລິການ Google books, Google Reader ແລະ Google Voice ຊຶ່ງເຮັດໃຫ້ແທັບເລັດຂອງທາງບໍລິສັດຕອບໂຈດການໃຊ້ງານຄ່ອນຂ້າງຄົບຖ້ວນ ແລະທີ່ ສໍາຄັນ ແທັບເລັດຂອງກູເກີ້ນຈະເປັນແພດຟອລ໌ມເປີດ (open platform) ເຮັດໃຫ້ໃຜກໍ່ສາມາດພັດທະນາຊອຟ໌ແວລ໌ໄດ້ ຊຶ່ງຕ່າງກັບແອບເປີ້ນທີ່ເປັນລະບົບປິດ ຄໍາຖາມທີ່ໜ້າສົນໃຈກໍຄື ກູເກີ້ນຈະສາມາດບຽດແອບເປີ້ນອອກໄປຈາກຕະຫລາດໄດ້ຄືກັບເມື່ອຄັ້ງທີ່ໄມໂຄຊອຟ໌ເຄີຍປະສົບຄວາມສໍາເລັດດ້ວຍ Windows ໃນປີ 1990 ຫລືບໍ່?ເທິງສະຫມໍລະພູມຮົບລະຫວ່າງບໍລິສັດທີ່ມີຜະລິດຕະພັນພ້ອມຂອງຟຣີກັບບໍລິສັດທີ່ມີຜິກຜັນທີ່ຫລາຍຄົນຢາກໄດ້ແມ່ນຕ້ອງຈ່າຍເງີນກໍຍອມ ໃຜຈະເປັນຜູ້ຊະນະຄົງຕ້ອງເບິ່ງກັນຕໍ່ໄປ.
ທີ່ມາ: Arip.co.th