ວີແພັດ(WePad) ຄູຊົກຂອງໄອແພັດ(iPad)

29/04/2010 ຂ່າວໄອທີ

ຊ່ວງນີ້ມີແຕ່ເລື່ອງເຄື່ອງພວກ PAD ກັນທັງນັ້ນເພາະຫລັງຈາກທີ່ iPad ເປີດເກມອອກຂາຍກ່ອນແລະມີຍອດຂາຍແບບທະລົ່ມທະລາຍເຮັດໃຫ້ຫລາຍໆບໍລິສັດທີ່ກຳລັງພັດທະນາ ເຄື່ອງໃນຮູບແບບດຽວກັນນັ້ນຕ່າງກໍເລັ່ງມືເຮັດເຄື່ອງອອກ ມາປ້ອນຕະຫລາດກ່ອນທີ່ iPad ຈະກວດຕະຫລາດໄປໝົດຄົນດຽວ ສຳລັບເຄື່ອງສະໄຕລ໌ພວກ PAD ເຫລົ່ານີ້ຫາກບໍ່ນັບເຄື່ອງຈາກເມືອງຈີນໃນຕອນນີ້ກໍມີຕົວເຕັງທີ່ຕ່າງກໍວ່າຕົວເອງ ຄື iPad Killer ຢູ່ຫລາຍລຸ້ນຄືກັນເຊັ່ນ

1.HP Slate
2.EEE Pad
3.WePad

ແຕ່ໃນຊ່ວງນີ້ກະແສທີ່ເບິ່ງຄື ຈະມີພາສີໃນການເປັນຄູ່ ມວຍທີ່ສົມສັກສີຂອງ iPad ຫລາຍທີ່ສຸດກໍໜ້າຈະເປັນ WePad ເພາະມັນນອກຈາກຈະມີໜ້າຕາທີ່ເບິ່ງດີທັນສະໄໝຕາມສະໄຕລ໌ຊາວຍຸໂລບແລ້ວ ລູກຫລິ້ນຫລາຍຈຸດຂອງ WePad ເອງກໍເໜືອຊັ້ນກວ່າ iPad ຫາກບໍ່ນັບເລື່ອງ Software ຂອງ iPad ແລະແມ່ນແຕ່ໃນເວັບໄຊ໌ຂອງ WePad ເອງຍັງມີຕາລາງປຽບທຽບກັນແບບໝັດຕໍ່ໝັດໃຫ້ເຫັນກັນຢ່າງແຈ້ງໆ

WePad ເປັນເຄື່ອງຄອມພິວເຕີແບບສະໄຕລ໌ແທ໊ບເລັດ ເປັນນະວັດກຳຈາກເຢຍລະມັນ ຜົນງານຂອງບໍລິສັດ Neofonie WePad ເຮັດວຽກດ້ວຍລະບົບປະຕິບັດ Android ມີໜ້າຈໍຂະໜາດ 11.6″ ແບບມັນຕິທັດ ທີ່ໃຫ້ຄວາມລະອຽດ 1366×768 ສຳລັບພາຍໃນປະກອບດ້ວຍ CPU Atom N450, ຫນ່ວຍຄວາມຈຳ 16GB ທີ່ສາມາດສຽບ SD Card ເພີ່ມໄດ້ອີກ ສິ່ງທີ່ເຮັດໃຫ້ WePad ໄດ້ປຽບແລະເໜືອຊັ້ນກວ່າ iPad ຈາກ Apple ກໍມີດັ່ງນີ້
1.ຈໍ ໃຫຍ່ກວ່າ ເພາະຈໍ WePad ໃຫຍ່ເຖິງ 11.6 ນິ້ວໃນຂະນະທີ່ iPad ມີຂະໜາດ 9.7 ນິ້ວ
2.CPU ໄວກວ່າ
3.ມີຊ່ອງໃສ່ SD Card
4.Ram ຫລາຍກວ່າ
5.ມີກ້ອງ Web Cam ໃນຂະນະທີ່ iPad ບໍ່ມີກ້ອງເລີຍ
6.ມີຊ່ອງຕໍ່ USB ສອງຊ່ອງ ໃນຂະນະທີ່ iPad ບໍ່ຊ່ອງ USB
7. WePad ສາມາດຫລິ້ນ Flash ໄດ້
8. ມີ Wepad Meta Store ໃນຂະນະທີ່ iPad ມີ iTuneStore

ເຄື່ອງ WePad ໃນຕອນນີ້ເລີ່ມເປີດໃຫ້ຈອງແລ້ວໃນເຢຍລະມັນ ໂດຍມີລາຄາ ທີ່ 449 ຍູໂລສຳລັບລຸ້ນ 16 GB ທີ່ມີສະເພາະ WLAN ແຕ່ຫາກຕ້ອງການໃຊ້ງານແບບມີ 3G ແລະ GPS ແລະຫນ່ວຍຄວາມຈຳ 32 GB ເຮົາຈະຕ້ອງຈ່າຍທີ່ 569 ຍູໂລ ແລະລຸ້ນໃຫຍ່ນີ້ມັນສາມາດສະແດງຜົນໃນໂໝດ Full HD 1080p ຜ່ານທາງ HDMI ໄດ້ອີກດ້ວຍ ເຄື່ອງ WePad ຈະເລີ່ມກໍ່ການ Roadshow ຊ່ວງເດືອນ ພຶດສະພາ ນີ້ເປັນຕົ້ນໄປ ແລະຈະອອກຂາຍທົ່ວໂລກປະມານຊ່ວງເດືອນ ກໍລະກົດ ນີ້ຊຶ່ງເປັນເວລາດຽວກັນກັບ EEE Pad ຂອງ ASUS ອອກຂາຍພໍດີ ແລະເຊື່ອວ່າໃນຕອນນີ້ WePad ກາຍເປັນເຄື່ອງທາງເລືອກອັນດັບຕົ້ນໆຮອງຈາກ iPad ໄປຮຽບຮ້ອຍແລ້ວ