SONYເປີດຕົວ”ແອນດລອຍດ໌ໂຟນ(Android phone) “ລຸ້ນທຳອິດ
SONYເປີດຕົວ”ແອນດລອຍດ໌ໂຟນ(Android phone) “ລຸ້ນທຳອິດ
ຊ່ວງ ທີ່ຜ່ານມາເບິ່ງຄືວ່າ ໂຊນີ້ (Sony) ຝາກອະນາຄົດໄວ້ກັບກູເກີ້ນ (Google) ເນື່ອງຈາກມີຄວາມຮ່ວມມືໃນດ້ານຕ່າງໆ ຫລວງຫລາຍ ບໍ່ວ່າຈະເປັນ ໂນ້ຕະບຸ໊ກະທີ່ມາພ້ອມກັບ Google Chrome ເຄື່ອງອ່ານອີບຸ໊ກະທີ່ສາມາດເຂົ້າເຖິງອີບຸກ(E-book)ໃນ Google Books ລ່າສຸດທາງ Sony Ericsson ໄດ້ເປີດຕົວສະໝາລ໌ໂຟນ(smartphone)ລຸ້ນໃໝ່ຢ່າງເປັນທາງການ ຊຶ່ງກໍໃຊ້ລະບົບປະຕິບັດການເປັນແອນດລອຍດ໌ (Android) ຂອງກູເກີ້ນ (Google)ອີກຕ່າງຫາກ
Xperia X10 ແອນດລອຍດ໌ໂຟນ (Android phone) ທີ່ມາພ້ອມກັບກ້ອງດິຈິຕອນ 8 ລ້ານພິກເຊວ(pixel) ໜ້າ ຈໍສຳຜັດຂະໜາດໃຫຍ່ເຖິງ 4 ນິ້ວ ພ້ອມດ້ວຍລະບົບແຜນທີ່ດາວທຽມ GPS ສາມາດດາວນ໌ໂຫລດແອັບພິເຄຊັນຕ່າງໆ ຈາກ Android Market ແລະ Play Now Arena ຂອງ Sony Ericsson ສຳລັບ X10 ທີ່ເດີມໃຊ້ໂຄດເນມວ່າ Rachel ຂະນະທີ່ຍັງຄົງຢູ່ໃນລະຫວ່າງການພັດທະນາ ຈະເລີ່ມວາງຕະຫລາດໃນໄຕມາດທຳອິດຂອງປີ 2010 ໂດຍທາງບໍລິສັດກ່າວວ່າ X10 ເປັນແອນດລອຍດ໌ໂຟນ (Android phone) ຕົວທຳອິດຈາກອີກຫລາຍລຸ້ນທີ່ຈະວາງຕະຫລາດໃນປີໜ້າ.
ໂຊນີ້ອີລິກສັນ(Sony Ericsson) ກ່າວວ່າ ທາງບໍລິສັດໄດ້ອອກແບບສ່ວນຕິດຕໍ່ຜູ້ໃຊ້ທີ່ຈະຊ່ວຍໃຫ້ເຈົ້າຂອງ ເຄື່ອງສາມາດໃຊ້ງານເວັບໄຊຕ໌ຕ່າງໆ ໄດ້ຢ່າງງ່າຍດາຍ ບໍ່ວ່າຈະເປັນ Twitter, Facebook ແລະອີເມລ໌ ຕະຫລອດຈົນແອບພິເຄຊັນ(application) ເມດເສດຈິ້ງ (Massaging) ເເລະອື່ນໆ… ມືຖືລຸ້ນນີ້ສາມາດເຮັດວຽກກັບເຄືອຂ່າຍໂມບາຍລຸ້ນທີ່ສອງ ແລະສາມ ຊຶ່ງລວມເຖິງ HSPA ແລະ Wi-Fi ສຳລັບ X10 ຈະເຮັດວຽກດ້ວຍ Android 1.6 ໂດຍພາຍໃນເຄື່ອງໃຊ້ຊີພີຢູ(CPU) Snapdragon 1GHz ຂອງ Qualcomm ຢ່າງໃດກໍຕາມ ຍັງບໍ່ມີການເປີດເຜີຍເລື່ອງລາຄາຂອງມັນອອກມາແຕ່ຢ່າງໃດ
ການຕັດສິນໃຈຜະລິດແອນດລອຍດ໌ໂຟນ (Android phone) ຂອງໂຊນີ້ອີລິກສັນ(Sony Ericsson) ສະແດງໃຫ້ເຫັນເຖິງຄວາມພະຍາຍາມທີ່ຈະຊ່ວງຊິງສ່ວນແບ່ງຕະຫລາດຄືນ ກັບມາບາງສ່ວນ ເນື່ອງຈາກໃນຊ່ວງສາມໄຕມາດທີ່ຜ່ານມາ ທາງໂຊນີ້(SONY)ຕ້ອງປະສົບກັບພາວະຂາດທຸນເນື່ອງຈາກຕ້ອງປະທະກັບ ຄູ່ແຂ່ງຢ່າງ iPhone ຂອງ Apple ຢ່າງໃດກໍຕາມ ນັກວິເຄາະກ່າວວ່າ ການເປີດຕົວ X10 ກ່ອນຄິສ໌ມາດ (Christmas)ອາດຈະສົ່ງຜົນກະທົບກັບຜະລິດຕະພັນຢ່າງ Satio ເພາະຜູ້ບະຫລິໂພກອາດຈະລໍໄປຊື້ X10 ໃນຕົ້ນປີໜ້າແທນ .